LRD વિવાદ: બિન અનામત વર્ગના આગેવાનોની સરકાર સાથે બેઠક પૂર્ણ, પણ ગૂંચવાડો હજુ પણ યથાવત

ગાંધીનગર : LRD ભરતીમાં 1-8-18નાં પરિપત્રનાં કારણે ભારે વિવાદ પેદા થયો છે. હાલ આ લડાઇ અનામત અને બિન અનામત વર્ગ વચ્ચે વિગ્રહનો મુદ્દો બન્યો છે. 64 દિવસનાં ઉપવાસ બાદ આખરે અનામત વર્ગની મહિલાઓને અન્યાય નહી થાય તેવી હૈયાધારણા સરકાર દ્વારા આપવામાં આવી છે. જો કે હવે સરકારનાં આ નિર્ણય બાદ સવર્ણ વર્ગની મહિલાઓ ઉપવાસ પર બેસી ગઇ છે. બ્રહ્મ સમાજ, રાજપુત સમાજ પાટીદાર સમાજનાં આગેવાનો દ્વારા સમગ્ર મુદ્દે દબાણ કરવામાં આવતા આખરે સરકાર દ્વારા બેઠક બોલાવવામાં આવી હતી.
આ બેઠકમાં અને વિવાદનો ઉકેલ લાવવાની જવાબદાર નાયબ મુખ્યપ્રધાન નીતિન ભાઇ પટેલ અને કાયદા મંત્રી પ્રદીપસિંહ જાડેજાને સોંપવામાં આવી છે. આ બેઠકમાં તમામ સવર્ણ વર્ગનાં આગેવાનો હાજર છે. આ બેઠકમાં આ વિવાદિત મુદ્દાનો ઉકેલ લાવવાનો પ્રયાસ કરવામાં આવશે. જો કે હાલ તો આ સમગ્ર મુદ્દે બેઠલ ચાલી રહી છે. નાયબ મુખ્યપ્રધાન નીતિન પટેલે બેઠકમાં જતા પહેલા આ સમગ્ર મુદ્દાનો સકારાત્મક ઉકેલ લાવવામાં આવશે તેવી હૈયાધારણા સાથે બેઠકમાં ગયા હતા. આ ઉપરાંત સવર્ણ સમાજનાં મોટા ભાગનાં આગેવાનોએ પણ આ બેઠક સકારાત્મક રીતે પાર પડશે તેવું જણાવ્યું હતું.

રિલેટેડ ન્યૂઝ