બાયોપિક : સલમાન ખાન બનશે શોએબ અખ્તર?

ભારત અને પોતાના દેશ વચ્ચે અત્યંત તણાવ છતાં પાકિસ્તાનનો દિગ્ગજ ફાસ્ટ બોલર શોએબ અખ્તર ઈચ્છે છે જો તેની બાયોપિક બને તો લીડ રોલ બોલિવૂડનો ‘દબંગ’ એક્ટર સલમાન ખાન ભજવે. સાથે જ તેણે જણાવ્યું કે, સુનીલ ગાવસકર અને સચિન તેંડુલકર પોત-પોતાના સમયના મહાન ક્રિકેટર્સ રહ્યાં છે જ્યારે વર્તમાન સમયમાં જસપ્રીત બુમરાહ અને ભુવનેશ્વર કુમાર બેસ્ટ બોલર છે. શોએબે એમ પણ કહ્યું કે, તે ટીમ ઈન્ડિયાનો બોલિંગ કોચ બનવા માગે છે.

સોશિયલ મીડિયા સાઈટ ‘હેલો’ પર પોતાના ફેન્સ સાથે કેટલીક વાતો શેર કરતા રાવલપિંડી એક્સપ્રેસે પોતાની બાયોપિકના સવાલ પર કહ્યું કે, જો ક્યારેય મારી બાયોપિક બને તો હું ઈચ્છું છું કે, સલમાન ખાન તેમાં લીડ રોલ કરે. તેણે ખુલાસો કર્યો કે, જ્યારે ‘ગેંગસ્ટર’ ફિલ્મ આવી રહી હતી ત્યારે સલમાન ખાને તેને કહ્યું હતું કે, તે

શાઈની આહુજાના કેરેક્ટર માટે એકદમ ફિટ છે, કારણ કે, તે ગેંગસ્ટર જેવો દેખાય છે.

આ દરમિયાન તેણે દાનિશ કનેરિયા અંગે જે કહ્યું તેના પર તે આજે પણ અડગ છે. જણાવી દઈએ કે, તેણે ખુલાસો કર્યો હતો કે, કેટલાક સીનિયર ક્રિકેટર દાનિશ કનેરિયા સાથે એટલા માટે જમતા નહોતા કારણે કે, તે હિન્દુ હતો.હાર્દિક પંડ્યા વિશે વાત કરતા અખ્તરે કહ્યું કે, તે દુનિયાનો બેસ્ટ ઑલરાઉન્ડર બની શકે છે. આની સાથે જ તેણે હરભજનસિંહ અને યુવરાજ સિંહ પોતાના સારા દોસ્ત ગણાવ્યા. તેણે કહ્યું કે, જો તક મળશે તો તે ટીમ ઈન્ડિયા અને ઈન્ડિયન પ્રીમિયર લીગ (આઇપીએલ)માં પોતાની પૂર્વ ટીમ કોલકાતા નાઈટ રાઈડર્સ (કેકેઆર)નો કોચ બનવાનું પસંદ કરશે.

રિલેટેડ ન્યૂઝ