દિલ્હીમાં છેલ્લા 24 કલાકમાં કોરોનાના 2889 કેસ, અત્યાર સુધીમાં 83,077 સંક્રમિત

નવી દિલ્હી: દિલ્હીમાં છેલ્લા 24 કલાકમાં કોરોનાના 2889 કેસ સામે આવ્યા છે. આ સાથે જ રાષ્ટ્રીય રાજધાનીમાં કોરોના સંક્રમિતોની સંખ્યા વધીને 83,077 થઈ છે. ત્યારે છેલ્લા 24 કલાકમાં 65 દર્દીઓના મોતની સાથે મૃત્યુઆંક વધીને 2623 થઈ ગયો છે. જો કે, સારા સમાચાર આ છે કે, અત્યાર સુધીમાં 60 ટાકથી વધારે કોરોના સંક્રમિત દર્દીઓ સાજા થઈ ઘરે પરત ફર્યા છે. છેલ્લા 24 કલાકમાં 3306 દર્દીઓ સાજા થયા છે. આ સાથે અત્યાર સુધીમાં 52,607 લોકો સાજા થયા છે.
હાલ દિલ્હીમાં કોરોનાના એક્ટિવ કેસોની સંખ્યા 27,847 છે. જેમાંથી 17,148 દર્દી હોમ આઇસોલેશનમાં છે હાલમાં ટેસ્ટની સંખ્યા પણ વધારવામાં આવી છે. છેલ્લા 24 કલાકમાં 20,080 સેમ્પલ ટેસ્ટ કરવામાં આવ્યા છે. ત્યારે દિલ્હીમાં કુલ ટેસ્ટ સેમ્પલની વાત કરીએ તો અત્યાર સુધીમાં 4,98,416 ટેસ્ટ થઈ ગયા છે.

રિલેટેડ ન્યૂઝ