રામનવમી મહોત્સવ ઉજવવા પ્રભાસપાટણ માં ભારે ઉત્સાહ પ્રવર્તી રહ્યો છે. વેરાવળ-પ્રભાસ પાટણમાં આવેલા રામમંદિરો અનેક સ્મરણો સાચવીને બેઠા છે.
એક એવી દંતકથા પ્રવર્તે છે કે પ્રભાસક્ષેત્રમાં ભગવાન રામ પિતૃ શ્રાદ્ધ કરવા આવ્યા હતા. પ્રભાસમાં રામના નામના ઉલ્લેખ સાથે રામ રાખ ચોક આવેલો છે. પ્રભાસપાટણમાં સોમનાથ ટ્રસ્ટ નિર્મિત રામમંદિરમાં રામનવમીએ યજ્ઞ, સુંદરકાંડ, અન્નકુટ, સાયં શણગાર, બપોરે રામ પ્રાગટ્યોતસવ દર વર્ષની પરંપરા મુજબ ઉજવવા કાર્યક્રમ છે. પાટણમાં તાલુકાશાળા પાસે આવેલા રામમંદિરે રામનવમીએ રામજન્મોત્સવ અને મહાઆરતી યોજાનાર છે. વેરાવળમાં કથાકાર ડોંગરેજી મહારાજના હસ્તે રામમંદિરનું ભૂમિપૂજન કરવામાં આવ્યું હતું. આ સ્થળે મોટું મંદિર બન્યું છે. અહીં સુંદર કાંડ, રામપ્રાગટ્ય મહોત્સવ ઉજવણી તથા શોભાયાત્રા નીકળે છે.
અયોધ્યા ખાતે બનેલા રામમંદિરનાં નિર્માણનો સંકલ્પ સોમનાથમાં લેવાયો હતો. રથયાત્રા 1990માં સોમનાથથી નીકળી હતી. અયોધ્યા રામ મંદિર સોમનાથ મંદિરના શિલ્પી પ્રભાશંકર સોમપુરાના વંશજોએ બનાવ્યું છે. આ મંદિરના નિર્માણમાં સોમનાથ પ્રભાસ ભૂમિની માટી, જળ અને કરોડો રામનામ લખેલી બૂકો અયોધ્યા મંદિરને સમર્પિત કરવામાં આવી હતી. ટીવી સિરિયલ રામાયણના તમામ કલાકારો સોમનાથના દર્શને આવ્યા હતા. જેમાં આ સિરિયલના ’લંકેશ’ અરવિંદ ત્રિવેદીનો પણ સમાવેશ થતો હતો. તેમણે સોમનાથમાં શિવતાંડવ પ્રસ્તુત કર્યું હતું. અયોધ્યાનાં રામમંદિર નિર્માણ વખતે સોમનાથ ત્રિવેણીનું જળ, પ્રભાસક્ષેત્રની માટી વપરાયા હતા.
રિલેટેડ ન્યૂઝ
-
ધ્રાંગધ્રા વિસ્તારોમાં સપ્તાહથી વિજળી ગુલ ખેડુતોએ ઉગ્ર વિરોધ પ્રદર્શન કર્યુ
ધ્રાંગધ્રા પંથકમાં છેલ્લા એક સપ્તાહથી વીજ પુરવઠો ખોરવાઈ જતાં ખેડૂતોએ ઙૠટઈક કચેરી ખાતે ઉગ્ર વિરોધ પ્રદર્શન... -
ધારીના દેવળા ગામે ઝેરી મધમાખીઓનો હુમલો: ડંખથી 6 લોકો ઈજાગ્રસ્ત થયા
અચાનક મધમાખીના હુમલાથી ભાગદોડ મચી ગઈ ધારી તાલુકાના દેવળા ગામે આજે અચાનક જ એક ઝેરી મધમાખીઓના... -
ભગવાન દ્વારકાધીશને 1900 ગ્રામ ચાંદીનું ધનુષ અને ત્રણ બાણ અર્પણ
મુંબઈ રહેતા ભાવિક દ્વારા શ્રીજી ચરણે ભાવ સમર્પણ ભગવાન દ્વારકાધીશની પવિત્ર કર્મભૂમિ દ્વારકામાં આવેલા જગત મંદિરમાં...
