વેલાળા ગામે ગેરકાયદેસર ખનનની બાતમી મળતા નાયબ કલેકટર અને મામલતદારની ટીમે સંયુકત રેડ કરી હતી. જેમાં લોડર, ડમ્પર, 40 મેટ્રીક ટન કોલસા સહિત રૂપીયા 51.80 લાખનો મુદ્દામાલ જપ્ત કરાયો છે.સુરેન્દ્રનગર જિલ્લામાં હાલ સ્થાનીક સ્વરાજયની ચૂંટણીઓનો માહોલ છે. જેમાં ચોટીલા નાયબ કલેકટર એચ.ટી.મકવાણાને ચોટીલા નગરપાલીકાની ચૂંટણી માટે આરઓ બનાવાયા છે.ત્યારે નાયબ કલેકટર ચૂંટણીમાં વ્યસ્ત હશે તેમ માની થાન તાલુકાના વેલાળા ગામની સીમમાં કુવો ખોદી તેમાંથી કોલસાનું ગેરકાયદેસર ખનન થતુ હોવાની બાતમી નાયબ કલેકટરને મળી હતી. આથી ચોટીલા નાયબ કલેકટર એચ.ટી.મકવાણા સહિતની ટીમ અને થાન મામલતદારની ટીમે વેલાળાની સીમમાં મોડી રાતના સમયે રેડ કરી હતી.
જેમાં 1 લોડર મશીન, 1 ડમ્પર અને 40 મેટ્રીક ટન કોલસો મળી રૂપીયા 51.80 લાખનો મુદ્દામાલ જપ્ત કરી ચોટીલા મામલતદાર કચેરી ખસેડાયો છે. આ ગેરકાયદેસર ખનન થાન તાલુકાના ખાખરાથળના અરવિંદ રમેશભાઈ સારદીયા, મુકેશ રાયસંગભાઈ સારદીયા અને સાયલા તાલુકાના મોરસલનો ઘુઘો ખાંભલા કરાવતા હોવાનું ખુલ્યુ છે.આથી આ ત્રણેય સામે કાર્યવાહી હાથ ધરાઈ છે. બીજી તરફ ગેરકાયદેસર પ્રવૃતી સ્થાનીક સ્તરે નાબુદ કરવાના મુદ્દે બેદરકારી દાખવનાર વેલાળા સરપંચ અને તલાટી સામે પણ શિક્ષાત્મક કાર્યવાહી હાથ ધરાઈ છે.
રિલેટેડ ન્યૂઝ
-
ઉનામાં 108 સેવા સામે ઉઠ્યા સવાલો ચોક્કસ હોસ્પિટલમાં દર્દીને ટ્રાન્સફર કરાતા હોવાની ચર્ચા
અકસ્માતની ઘટનામાં એકજ ઓર્થોપેડીક હોસ્પિટલમાંજ દર્દીને રીફર કરાતા ઉઠ્યા સવાલો: યોજનાગત હોસ્પિટલમાં પ્રાયરોટી અપાતી નહીં હોવાથી... -
42 ડિગ્રી તાપમાન અને કલાકો સુધી પાવર કટ મેન્ટેનન્સના નામે લોકોની ધીરજની કસોટી
પરીક્ષા ટાણે જ અંધારપટ! વિદ્યાર્થીઓ ગરમી અને ટેન્શન વચ્ચે શેકાયા રાજ્યમાં ઉનાળાનો પ્રકોપ સતત વધી રહ્યો... -
વિરપુરમાં ભાજપના બે સીનીયર કાર્યકરોની સ્થાનિક આગેવાનો દ્વારા અવગણનાથી વિવાદ
અગ્રણીઓની અવગણતા થતા કોળી અને ખાંટ રાજપૂત સમાજમાં ઉગ્ર રોષ રાજકોટ જીલ્લા પંચાયત – વિરપુર -36...
