બ્લુ સ્ટારે વૃદ્ધિના આગામી તબક્કાને વેગ આપવા યુનિટરી કૂલિંગ પ્રોડક્ટ્સની વ્યાપક નવી રેન્જ રજૂ કરી

2026ના રૂમ એર ક્ધડીશનર્સની નવી રેન્જ

બ્લુ સ્ટાર લિમિટેડે સમર 2026 માટે રૂમ એર ક્ધડીશનર્સની નવી રેન્જ રજૂ કરવાની જાહેરાત કરી છે, જેના દ્વારા ભારતમાં રેસિડેન્શિયલ અને કોમર્શિયલ કૂલિંગ ક્ષેત્રમાં કંપનીની હાજરી વધુ મજબૂત બનશે. આ વ્યાપક પોર્ટફોલિયોમાં કુલ 125 રૂમ એર ક્ધડીશનર મોડલ્સનો સમાવેશ થાય છે, જેમાં ફ્લેગશિપ પ્રીમિયમ રેન્જ પણ સામેલ છે. આ રેન્જ વિવિધ પ્રકારના ગ્રાહકોની જરૂરિયાતો અને ઉપયોગની પરિસ્થિતિઓને ધ્યાનમાં રાખીને તૈયાર કરવામાં આવી છે. તમામ મોડલ્સ 1 જાન્યુઆરી 2026થી અમલમાં આવેલા બ્યુરો ઓફ એનર્જી ઇફિશિયન્સી (ઇઊઊ) ના નવા ધોરણોનું પાલન કરે છે. વધારવામાં આવેલી આ પ્રોડક્ટ લાઇન વિવિધ ઉપયોગ માટે ઊર્જા-કાર્યક્ષમ અને હાઇ પર્ફોર્મન્સ કૂલિંગ સોલ્યુશન્સની વધતી માંગને ધ્યાનમાં રાખીને વ્યૂહાત્મક રીતે વિકસાવવામાં આવી છે.
ભારતમાં રૂમ એર ક્ધડીશનર ઉદ્યોગ સતત માળખાકીય વૃદ્ધિનો અનુભવ કરી રહ્યો છે, જેને વધતી આવક, ઝડપી શહેરીકરણ અને હવામાનમાં વધતી ગરમી જેવી પરિસ્થિતિઓનો આધાર મળ્યો છે. આ ક્ષેત્રનું કદ અંદાજે 14 મિલિયન યુનિટ્સથી વધીને નાણાંકીય વર્ષ 2030 સુધીમાં લગભગ 30 મિલિયન યુનિટ્સ સુધી પહોંચવાની સંભાવના છે. આ વૃદ્ધિનું મુખ્ય કારણ ઓછા પ્રમાણમાં ઉપયોગ ધરાવતા બજારોમાં પ્રથમ વખત એર ક્ધડીશનર અપનાવવાની વૃદ્ધિ તેમજ મોટા શહેરોમાં જૂના યુનિટ્સને બદલીને નવા યુનિટ્સ ખરીદવાની માંગ છે. ટિયર 3, 4 અને 5 શહેરો હવે વૃદ્ધિના મુખ્ય કેન્દ્રો તરીકે ઉભરી રહ્યા છે અને તેઓ ટિયર 1 અને 2 શહેરોની તુલનામાં વધુ ઝડપથી વૃદ્ધિ દર્શાવી રહ્યા છે, ભલે તેમનો મૂળ આધાર થોડો નાનો હોય.