પાપડમલજી એગ્રો ફૂડ્સ લિમિટેડનો આઇપીઓ આજરોજ ખૂલશે; પ્રાઈઝ બેન્ડ પ્રતિશેર રૂ.69થી રૂ.72 છે

જય હિન્દ 0 View

પાપડમલજી એગ્રો ફૂડ્સ લિમિટેડ તેના 25.73 લાખ શેરના ઇનિશિયલ પબ્લિક ઓફરિંગ (આઇપીઓ) માટે તૈયાર છે. નવા ઇશ્યૂ દ્વારા તેમને રૂ.18.52 કરોડ એકઠા કરશે. ઉપરાંત 2.30 લાખ શેરને ઓફર ફોર સેલ દ્વારા તેઓ રૂ.1.66 કરોડ ઉભા કરશે.
એસએમઇ ઇનિશિયલ પબ્લિક ઓફરિંગ (આઇપીઓ) માટે પાપડમલજી એગ્રો ફૂડ્સ લિમિટેડ એ પ્રતિશેર રૂ.69થી રૂ.72નો એક પ્રાઈઝ બેન્ડ નક્કી કર્યો છે. આઇપીઓ સબસ્ક્રિપ્શન માટે 29મી સપ્ટેમ્બર, 2026ના રોજ ખૂલશે અને 1લી ઓક્ટોબર, 2026ના રોજ બંધ થશે. લિસ્ટીંગ એનએસઇ એસએમઇ પર થશે, જેની અંદાજિત તારીખ 7મી ઓક્ટોબર, 2026ના રોજ થશે.
ક્રેઓ કોરિટલ પ્રા. લિ. એ બૂક-રનિંગ મેનેજર છે અને એમએએસ સર્વિસ લિ. એ ઇશ્યૂ માટેના રજિસ્ટ્રાર છે.
ઇશ્યૂમાંથી મળેલી રકમનો ઉપયોગ બિકાનેરના બચ્ચાસર ખાતે નવી ઉત્પાદન સુવિધા સ્થાપવા માટે બિલ્ડિંગ, મિકેનિકલ અને ઇલેક્ટ્રિકલ સંબંધિક કામગીરી માટે, બાંધકામ, પ્લાન્ટ અને મશીનરી ખરીદવા અને 250 કેડબલ્યુનારૂફટોપ સોલાર પાવર સિસ્ટમની સ્થાપના માટેના મૂડી ખર્ચના ભંડોળને પૂરું પાડવા માટે, કંપની દ્વારા બેંકો અને સામાન્ય કોર્પોરેટ હેતુઓ પાસેથી લીધેલા ઉધારની સંપૂર્ણ અથવા આંશિક ચુકવણી અથવા પૂર્વ ચુકવણી માટે કરવામાં આવશે.
સોમવાર, 5 ઓક્ટોબર, 2026ના રોજ, પાપડમલજી એગ્રો ફૂડ્સ લિમિટેડના આઇપીઓનું એલોટમેન્ટ કરવામાં આવે તેવી શક્યતા છે. મંગળવાર, 6 ઓક્ટોબર, 2026ના રોજ, શેર ફાળવણી કરનારાઓના ડીમેટ ખાતામાં જમા કરવામાં આવશે. પાપડમલજી એગ્રો ફૂડ્સ આઇપીઓમાં કુલ 28,03,200 શેરનો ઇશ્યૂ કદ છે. 32,000થી વધુ શેરની ચોખ્ખી ઓફર ક્યુઆઈબીને ફાળવવામાં આવી છે, 7,87,000થી ઓછા શેર એનઆઇઆઇને ફાળવવામાં આવ્યા છે અને 18,40,000થી ઓછા શેર વ્યક્તિગત રોકાણકારોને ફાળવવામાં આવ્યા છે.

રિલેટેડ ન્યૂઝ