‘જિંદગીમેં મૈંને તુમસે સબસે જ્યાદા પ્યાર કિયા…’ પ્રેમીએ તરછોડી દેતાં લગાવી દીધો ફાંસો : વીડિયોમાં ઠાલવી વ્યથા

આપઘાત કરવા યુવતી અમદાવાદ આવી, અંતે વડોદરામાં મોતને વ્હાલુ કર્યું..

ગુજરાતમાં ફરી એકવાર ‘આયેશા’ જેવી ઘટના બની છે. પ્રેમીએ તરછોડી દેતાં વડોદરાની યુવતી આયેશાની જેમ અમદાવાદ સાબરતી રિવરફ્રન્ટ ખાતે આપઘાત કરવા આવી હતી. રિવરફ્રન્ટ પર આત્મહત્યાના પ્રયાસ કર્યા બાદ પોતાની વ્યથા ઠાલવતો વીડિયો બનાવી વડોદરા પરત ફરી હતી. ત્યારબાદ ઘરમાં પંખા સાથે ફાંસો લગાવી મોતને વ્હાલુ કર્યું હતું.

અમદાવાદમાં આઇશા નામની યુવતીએ 25 ફેબ્રુઆરી 2021ના રોજ પતિના ત્રાસથી કંટાળીને રિવરફ્રન્ટ પર વીડિયો બનાવી આપઘાત કરી લીધો હતો. એવી જ ઘટના ફરી એકવાર બની છે, જેમાં વડોદરાના તાંદલજા વિસ્તારમાં રહેતી નફીસા ખોખરે અમદાવાદના શેખ રમીઝ અહેમદ નામના યુવકે પ્રેમમાં દગો આપતાં અમદાવાદ રિવરફ્રન્ટ પર પોતાની વ્યથા ઠાલવતો વીડિયો બનાવ્યો હતો તેમજ બે વખત આત્મહત્યાનો પ્રયાસ કર્યો હતો. જોકે ત્યાર બાદ નફીસા વડોદરા પરત આવી ગઇ હતી અને 20 જૂન 2022ના રોજ ઘરમાં ફાંસો ખાઇ આપઘાત કરી લીધો હતો. આ બનાવ બાદ યુવતીનાં પરિવારજનોએ આજે વડોદરાના જે.પી. પોલીસ સ્ટેશનમાં ફરિયાદ નોંધાવી છે તેમજ નફીસાએ રિવરફ્રન્ટ પર જે વીડિયો બનાવ્યો હતો એ પણ મીડિયા સમક્ષ આવ્યા છે.

નફીસા ખોખરે અમદાવાદ રિવરફ્રન્ટ ખાતે બે વખત આત્મહત્યાનો પ્રયાસ કર્યો હતો. આ દરમિયાન તેણે રિવરફ્રન્ટ પર પોતાના પ્રેમીએ દગો દીધાનો વીડિયો પણ બનાવ્યો હતા, જેમાં તે કહી રહી છે કે રમીઝ, તુમને મેરે સાથ બહુત બુરા કિયા હૈ, મતલબ બહુત બુરા કિયા હૈ, શાદી કા હા કહે કે મુઝે પટાતે રહે, આયે હી નહીં, એ તો ગલત હૈ ના યાર. બહોત ગલત હૈ, એસા નહીં કરના ચાહીએ થા તુમ્હે. જિંદગીમેં મૈંને તુમસે સબસે જ્યાદા પ્યાર કિયા, ઔર તુમને યે કિયા મેરે સાથ. મુઝે ઇતના બડા ધોકા દિયા. મુઝે લગા તુમ સબસે અલગ હો, પર તુમ સબકે જૈસે હી હો. તુમમેં ઔર સબમેં કોઇ ફરક નહીં હૈ. પુરી દુનિયા કો પતા ચલ જાને કે બાદભી તુમને મેરા હાથ નહીં થામા. બહોત બુરે હો તુમ. મુઝે નહીં આતા સમજ મેં. તુમ્હારે ઘરવાલેં ભી કહેતે હૈ હમારા કોઇ કોન્ટેક્ટ નહીં હૈ. તમ્હે પરસો દેખા થા, વહાં પર, તમ્હારે કપડે સુખે હુએ થે વહાં પર.

અન્ય એક વીડિયોમાં અમદાવાદ રિવરફ્રન્ટ પર નફીસા કહી રહી છે કે કિતની બુરી હાલત કરદી હૈ. ન ઘર કી રહી, ન ઘાટ કી. ચાર દિનોં સે યહાં ભટક રહી હું. તુમ્હે ઢુંઢ રહી હું. મૈંને તો પુલીસ કો ભી નહીં બતાયા… મેં ક્યા બોલું.

25 વર્ષીય નફીસા વડોદરાના તાંદળજા વિસ્તારમાં આવેલ નુરજહા પાર્કમાં પરિવાર સાથે રહેતી હતી. તેના પરિવારજનોએ જે.પી પોલીસ સ્ટેશનમાં અમદાવાદના યુવક વિરુદ્ધ ફરિયાદ નોંધાવી છે. યુવકે લગ્નની લાલચ આપી નફીસાને ફેરવી હતી અને પછી પ્રેમ સંબંધ તોડી નાંખતા નફીસામાં આઘાતમાં આવી હતી, જેથી તેણે આત્મહત્યાનુ પગલુ ભર્યુ હતુ. 

25 વર્ષીય નફીસા વડોદરાના તાંદળજા વિસ્તારમાં આવેલ નુરજહા પાર્કમાં પરિવાર સાથે રહેતી હતી. તેના પરિવારજનોએ જે.પી પોલીસ સ્ટેશનમાં અમદાવાદના યુવક વિરુદ્ધ ફરિયાદ નોંધાવી છે. યુવકે લગ્નની લાલચ આપી નફીસાને ફેરવી હતી અને પછી પ્રેમ સંબંધ તોડી નાંખતા નફીસામાં આઘાતમાં આવી હતી, જેથી તેણે આત્મહત્યાનુ પગલુ ભર્યુ હતુ. 

રિલેટેડ ન્યૂઝ