રાજકોટમાં વહેલી સવારથી અવિરત ધીમીધારે મેઘમહેર

હવામાન વિભાગની આગાહી મુજબ આજે ફરી રાજકોટમાં વહેલી સવારથી ધીમીધારે વરસાદ શરૂ થયો છે. સતત ધીમીધારે વરસાદ વરસતા સવારમાં કામ પર જતા લોકો પરેશાન બન્યા હતા. વરસાદથી રસ્તાઓ પર પાણી વહી રહ્યા છે. શહેરમાં સાર્વત્રિક વરસાદ વરસી રહ્યો છે. આથી લોકોએ ફરજિયાત રેનકોટ પહેરવાની નોબત આવી છે. છેલ્લા ત્રણ દિવસથી અસહ્ય બફારાથી કંટાળેલા લોકોએ આજે વરસાદથી વાતાવરણમાં ઠંડક પ્રસરતા ગરમામાંથી રાહત અનુભવી રહ્યા છે. ધીમીધારે વરસાદથી હિલ સ્ટેશન જેવો માહોલ જોવા મળી રહ્યો છે.

વહેલી સવારથી આજે રાજકોટ શહેર અને જિલ્લામાં કાળા ડિબાંગ વાદળો ઘેરાયા હતા. બાદમાં ધીમીધારે અવિરત વરસાદ વરસી રહ્યો છે. શહેરના રેસકોર્સ રિંગ રોડ, મોરબી રોડ, ગ્રીનલેન્ડ ચોકડી, આજીડેમ ચોકડી, કાલાવડ રોડ, ઢેબર રોડ, ગોંડલ રોડ, 150 ફૂટ રિંગ રોડ, મવડી, માધાપર ચોકડી, જામનગર રોડ સહિતના વિસ્તારોમાં વહેલી સવારથી જ ધીમીધારે વરસાદ વરસી રહ્યો છે. રેસકોર્સ રિંગ રોડ પર રસ્તામાં પાણી ભરાતા વાહનચાલકો પરેશાન બની રહ્યા છે.

રિલેટેડ ન્યૂઝ