મિત્રની સગાઇમાં કેક લઇ જતી વેળા કારે પલ્ટી મારતાં યુવાનનું મોત

બાબરા તાલુકાના ધરાઇ અને મોટા દેવડીયા વચ્ચે અકસ્માત: મૃત્યુ પામનાર યુવાનની મંગળવારે સગાઇ હતી

બાબરા તાલુકાનાં ધરાઇ વાવડી અને મોટા દેવળીયા વચ્ચે કાર પલ્ટી ખાઈ જતા સર્જાયેલ અકસ્માત માં હાલ સુરત રહેતા મુળ ધરાઇનાં મિકેનિક એન્જિનિયર એવા આશાસ્પદ યુવાનનું મોત નિપજતા ગમગીની ફેલાઈ હતી.બનાવ ની કરુણતા એ હતી કે અકસ્માતમાં મોતને ભેંટેલો યુવાન પરીવારનો એકનો એક પુત્ર હતો. આવતા મંગળવારે તેની સગાઇ થનાર હતી. અકસ્માત સમયે યુવાનનો પરીવાર ચાર ધામ યાત્રાએ ગયો હોય બનાવની જાણ કરાઇ હતી.
બનાવની પ્રાપ્ત વિગત મુજબ મુળ ધરાઇ વાવડીનાં અને હાલ સુરત રહેતા કીનલ હિંમતલાલ વીરડીયા ઉ.23 દેવળીયા રહેતા મિત્ર દિવ્યેશભાઈ ની સગાઇ હોય બાબરાથી કેક લઈ કારમાં દેવળીયા જઇ રહ્યા હતા. કીનલ કાર ચલાવી રહ્યો હતો અને અન્ય મિત્ર વિશ્ર્નેશ પાછળ કેક લઈ બેઠો હતો. દેવળીયા થી થોડે દુર અચાનક કાર પલ્ટી ખાઈ જતા સર્જાયેલ અકસ્માત માં ગંભીર ઇજાઓ પંહોચતા કીનલ નું મોત નિપજ્યું હતુ.જ્યારે વિશ્ર્નેશ ને ઇજા પંહોચી હતી.
બનાવ ની જાણ થતા સગા સ્નેહીઓ ઘટના સ્થળે દોડી ઉઠ્યા હતા.અને કીનલ નાં મૃતદેહ અને ઇજાગ્રસ્ત વિશ્ર્નેશ ને ગોંડલ સિવિલ હોસ્પિટલ ખસેડ્યા હતા.બનાવ સમયે કીનલ નાં માતા પિતા સહીત નો તેર વ્યક્તિઓ નો પરીવાર ચાર ધામ યાત્રાએ હોય તેઓને જાણ કરાઇ હતી. કીનલ ની સગાઇ આવતા મંગળવારે થવાની હતી.પરંતુ ઈશ્ર્વરે કંઈક અલગ જ ધાર્યુ હોય તેમ પરીવાર યાત્રાએ ગયો હોય પાછળ થી અરમાન ભર્યા યુવાન નું અકાળે મોત નિપજ્યું હતું.બનાવ નાં પગલે પરીવાર શોકમગ્ન બન્યો હતો.

રિલેટેડ ન્યૂઝ