ખંભાળિયાની જિલ્લા કલેકટર કચેરી ખાતે દેવભૂમિ દ્વારકા જિલ્લા સંકલન સહ ફરિયાદ નિવારણ સમિતિની બેઠક યોજાઈ હતી. આ બેઠકમાં ધારાસભ્ય મુળુભાઈ બેરાએ વિવિધ જનહિત પ્રશ્નોને અગ્રતા આપી, તાકીદે પૂર્ણ કરવા જરૂરી માર્ગદર્શન આપ્યું હતું. સાથે જનોપયોગી યોજનાઓ અસરકારક અમલીકરણ અને છેવાડાના માનવી સુધી લાભ પહોંચાડવા માટે તત્પરતા દાખવી યોગ્ય લાભાર્થીને લાભ આપવા માટે જરૂરી સૂચનો કર્યા હતા. આ બેઠકમાં જિલ્લા વિકાસ અધિકારી એ.બી. પાંડોરએ વીજ પુરવઠો, માર્ગ મરામત, આરોગ્ય, સિંચાઈ, સ્વચ્છતા સહિતના વિભાગોના વિવિધ પ્રશ્નો અંગે સંબંધિત અધિકારીઓ સાથે વિગતવાર ચર્ચા કરીને જરૂરી માર્ગદર્શન પૂરું પાડ્યું હતું. જિલ્લાના સંબંધિત વિભાગોના અમલીકરણ અધિકારીઓને પદાધિકારીઓ દ્વારા રજૂ કરાયેલા પ્રશ્નોને યોગ્ય ઉકેલ લાવવા તાકીદ કરી હતી. આ મિટિંગમાં જિલ્લા પંચાયત સદસ્ય જે.કે. હાથિયા, નિવાસી અધિક કલેકટર ભૂપેશ જોટાણીયા, જિલ્લા ગ્રામ વિકાસ એજન્સી નિયામક હેતલ જોશી, પ્રાંત અધિકારી અમોલ આવટે, કે.કે. કરમટા, ડી.વાય.એસ.પી. વિસ્મય માનસેતા સહિત સમિતિના અધિકારીઓ ઉપસ્થિત રહ્યા હતા.
રિલેટેડ ન્યૂઝ
-
ખંભાળિયામાં જિલ્લા માર્ગ સલામતી સમિતીની બેઠક યોજાઈ
ખંભાળિયાની જિલ્લા કલેક્ટર કચેરી ખાતે દેવભૂમિ દ્વારકા જિલ્લા માર્ગ સલામતી સમિતીની બેઠક નિવાસી અધિક કલેક્ટર ભૂપેશ... -
વર્તમાન વૈશ્વિક પરિસ્થિતિમાં ઝડપથી બદલાતા વૈશ્વિક સત્તા-કેન્દ્રો, આર્થિક સમીકરણો અંગે જાણીતા જિયોપોલિટિકલ એક્સપર્ટનું વ્યાખ્યાન
ભારતીય વિચાર મંચ, ભાવનગર કેન્દ્ર તથા ભાવનગર ઇલેક્ટ્રોનિક્સ એન્ડ સોફ્ટવેર ઈન્ડસ્ટ્રી એસોસિએશન (BESIA) ના સંયુક્ત ઉપક્રમે... -
ખંભાળિયાથી રાજકોટની એસ.ટી. બસે મુસાફરોને રઝડાવ્યા એન.આર. આઈ મહિલા પેસેન્જરને કડવો અનુભવ
દેવભૂમિ દ્વારકા જીલ્લાના ભાણવડમાં એક એન.આર.આઈ. મહિલાને ખંભાલિયા ડેપોની વહેલી સવારની ખંભાલિયાથી રાજકોટ દોડતી એસ.ટી. બસના...
