ભાણવડ ખાતે દેવભૂમિ દ્વારકા જિલ્લા કક્ષાના પ્રજાસત્તાક પર્વની શાનદાર ઉજવણીમાં કરવામાં આવી હતી. જેમાં મહિલા સશક્તિકરણનો અનોખો સંગમ જોવા મળ્યો હતો. આ પ્રસંગે યોજાયેલી પરેડમાં પી.આઈ. એમ.જે. ઝાલાના માર્ગદર્શન હેઠળ તૈયાર થયેલી મહિલા પોલીસ પ્લાટૂનને સમગ્ર જિલ્લામાં પ્રથમ સ્થાન પ્રાપ્ત કર્યું હતું. જેમાં પી.આઈ. ઝાલાએ પોલીસ જવાનોને શિસ્તબદ્ધ માર્ચ-પાસ્ટ માટે સજ્જ કર્યા હતા.ભાણવડ ખાતે યોજાયેલા આ કાર્યક્રમમાં મહાનુભાવો દ્વારા મહિલા પોલીસ પ્લાટૂનના શાનદાર પ્રદર્શનને બિરદાવવામાં આવ્યું હતું. આ સિદ્ધિ બદલ પ્લાટૂન કમાન્ડર પી.એસ.આઈ. બી. કે. કડછાના હસ્તે પ્રશસ્તિ પત્ર આપી, તેઓને વિશેષ સન્માનિત કરવામાં આવ્યા હતા.જિલ્લા પોલીસ વડા અને ઉચ્ચ અધિકારીઓએ પણ પી.એસ.આઈ. કડછા અને તેમની સમગ્ર ટીમને આ સફળતા બદલ અભિનંદન પાઠવ્યા હતા.
