આગના પગલે હાઈવે પર ટ્રાફિક જામ
મોરબી-રાજકોટ હાઇવે પર છતર ૠઈંઉઈ નજીક આજે ભંગારના ડેલામાં ભીષણ આગ લાગવાની ઘટના સામે આવી છે. પ્રાથમિક માહિતી અનુસાર હાઈવે નજીક આવેલા ભંગારના ગોડાઉનમાં અચાનક આગ ભભૂકી ઊઠી હતી. સાંજના સુમારે લાગેલ આગ માં ડેલામાં સંગ્રહિત પ્લાસ્ટિક સહિતના જ્વલનશીલ પદાર્થોને કારણે આગે ટૂંકા સમયમાં જ વિકરાળ સ્વરૂપ ધારણ કર્યું હતું. આગના જ્વાળા અને ઘાટા ધુમાડાના કારણે આસપાસના વિસ્તારમાં ભયનો માહોલ ફેલાયો હતો.ઘટનાની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે પહોંચી ગઈ હતી અને આગ પર કાબૂ મેળવવા માટે કામગીરી હાથ ધરવામાં આવી છે.આગના ધુમાડા હાઇવે પર પ્રસરી જતા વાહન વ્યવહારમાં પણ અડચણો ઊભી થઈ હતી, જેના કારણે થોડો સમય ટ્રાફિક પર અસર જોવા મળી હતી.હાલ આગ કાબૂમાં લેવા પ્રયાસો ચાલુ છે અને ઘટનાના ચોક્કસ કારણ અંગે તપાસ હાથ ધરવામાં આવશે.
