સંસ્કારનગરી સાવરકુંડલામાં બિરાજમાન ત્રિલોકનાયક ધર્મનાથ પ્રભુના જિનાલયની 175મી સાલગિરહની ઉજવણી નિમિત્તે તપાગચ્છાધિપતિ આચાર્યદેવ શ્રીમદ્ વિજય રામચંદ્રસૂરીશ્વરજી મહારાજાના શિષ્યરત્નો પૂજ્ય આચાર્ય વિજય જિનદર્શનસૂરીશ્વરજી મહારાજ તથા આચાર્ય વિજય યોગરતિસૂરીશ્વરજી મહારાજ આદિ ઠાણાનું સાવરકુંડલામાં મંગલ આગમન થયું હતું. તેમના આગમનથી સમગ્ર જૈન સંઘમાં હર્ષ અને ઉત્સાહનું વાતાવરણ સર્જાયું હતું.
સાવરકુંડલા જૈન સંઘના પ્રમુખ ધર્મેન્દ્રભાઈ મહેતાના નેજા હેઠળ સંઘના શ્રાવક-શ્રાવિકાઓએ ભાવભેર સ્વાગત કરીને ધર્મલાભ મેળવ્યો હતો. સ્વાગત યાત્રા બાદ ઉપાશ્રયમાં યોજાયેલા કાર્યક્રમમાં મહારાજ સાહેબે માંગલિક પ્રવચન દ્વારા ધર્મ, સંયમ અને પ્રભુભક્તિનું મહત્ત્વ સમજાવ્યું હતું.
આગામી તા.20-06-2026, શનિવારના રોજ સાવરકુંડલા જૈન સંઘ દ્વારા ધર્મનાથ પ્રભુના જિનાલયની 175મી સાલગિરા નિમિત્તે ભવ્ય ધ્વજારોહણ મહોત્સવ યોજાશે. આ પ્રસંગે વિવિધ ધાર્મિક કાર્યક્રમોનું આયોજન કરવામાં આવનાર છે. સંઘ દ્વારા સર્વે શ્રાવક-શ્રાવિકાઓને મોટી સંખ્યામાં ઉપસ્થિત રહેવા આમંત્રણ પાઠવવામાં આવ્યું છે.
રિલેટેડ ન્યૂઝ
-
વાંકાનેરના ભેરડા ગામમાં યુવતિને ભગાડી જનાર યુવકના પિતાનું અપહરણ, માર માર્યો
ધમકી આપ્યાની યુવતિના ભાઈ, બનેવી અને ચાર અજાણ્યા શખ્સો સામે ફરિયાદ વાંકાનેર તાલુકાના ભેરડા ગામે પ્રેમ... -
રેવન્યુ તલાટીની નિમણુંક સાથે જ પંચાયત તલાટીઓ કામગીરીથી અળગા રહેશે
તલાટી મંત્રીઓનો વહીવટી તંત્ર સામે મોરચો કાર્યભારના ભારણ સામે મંડળનો ફેંસલો તલાટી મંત્રીઓએ વહીવટી તંત્ર સામે... -
પુરૂષોત્તમ માસમાં દ્વારકાધીશ મંદિરે રૂ.3.70 કરોડનું દાન કરતા ભાવિકો
અધિકમાસમાં 17 લાખથી વધુ શ્રધ્ધાળુઓએ દ્વારકાધીશના દર્શન કર્યા યાત્રાધામ દ્વારકામાં ગઈકાલે સોમવારે પૂર્ણ થયેલા પાવન પુરૂષોત્તમ...
