કેદીઓ અને તેમના પરિવારોને કાનુની ગુંચવણોમાં મદદરૂપ થવા જિલ્લા કાનુની સેવા સત્તા મંડળ દ્વારા રાજકોટ મધ્યસ્થ જેલમાં લીગલ હેલ્પ ડેસ્કનો આરંભ

જય હિન્દ 0 View

રાજકોટ જીલ્લા કાનૂની સેવા સત્તામંડળ દ્વારા એક પ્રશંસનીય પહેલ કરવામાં આવી છે. જેલના કેદીઓ અને તેમના સગા-સંબંધીઓને કાનૂની ગૂંચવણોમાં મદદરૂપ થવા માટે રાજકોટ મધ્યસ્થ જેલના મુલાકાતી વિસ્તારમાં ’લીગલ હેલ્પ ડેસ્ક’ કાર્યરત કરવામાં આવ્યું છે. આ સુવિધાનો મુખ્ય ઉદ્દેશ્ય મુલાકાતે આવતા પરિવારજનોને જામીન, અપીલ અને કેસની સ્થિતિ અંગે સચોટ માહિતી આપવાનો છે. આ ડેસ્કના ઉદ્ઘાટન પ્રસંગે જીલ્લા કાનૂની સેવા સત્તામંડળના સચિવ એચ. વી. જોટાણીયા, ઈન્ચાર્જ જેલ અધિક્ષક એમ. આર. ઝાલા, અને ઈન્ચાર્જ નાયબ અધિક્ષક ડી. પી. રબારી સહિતના જેલર ખાસ ઉપસ્થિત રહ્યા હતા. આ હેલ્પ ડેસ્ક પર જીલ્લા કાનૂની સેવા સત્તામંડળના એક પેરા લીગલ વોલન્ટીયર સેવામાં હાજર રહેશે. સેવાનો સમય સોમવારથી શનિવાર સવારે 09:00 થી 12:00 અને બપોરે 03:00 થી સાંજના 06:00 વાગ્યા સુધીનો રહેશે. આ વ્યવસ્થાથી કેદીઓના પરિવારોને કાનૂની પ્રક્રિયા સમજવામાં સરળતા રહેશે અને તેમને પડતી હાલાકીઓમાં મોટો ઘટાડો થશે. તેમ યાદીમાં જણાવાયું છે.

રિલેટેડ ન્યૂઝ