છોટા ઉદેપુરના પાટલિયા ગામનો યુવક માર્ગ પર ચાલતો હતો ત્યારે અકસ્માત સર્જ્યો
ચોટીલા દર્શન કરવા આવેલા છોટા ઉદેપુરના પાટલિયા ગામનો યુવક રસ્તા પર આવી ચડ્યો હતો. ત્યારે કારે ઠોકરે લેતા તેનું મૃત્યુ થયું હતું.
છોટા ઉદેપુરના પાટલીયા ગામે રહેતો યુવાન ચોટીલા દર્શન કરવા આવ્યો હતો. તે દરમિયાન રસ્તો ઓળંગતી વખતે યુવકને અજાણ્યા કાર ચાલકે ઠોકરે ચડાવતાં અકસ્માત સર્જાયો હતો. જે હિટ એન્ડ રનનીઘટનામાં ઘવાયેલા યુવકનું સારવારમા ંમોત નિપજતાં પરિવારમાં અરેરાટી સાથે ગમગીની છવાઈ જવા પામી છે. આ બનાવ અંગે પોલીસમાંથી જાણવા મળતી વિગત મુજબ, છોટા ઉદેપુરના પાટલીયા ગામે રહેતો કલ્પેશ ભીમસિંગભાઈ રાઠવા નામનો 27 વર્ષનો યુવાન ગત તા.24નાં રોજ સવારના અગિયારેક વાગ્યાના અરસામાં ચોટીલા પાસે ચાલીને જતો હતો ત્યારે અજાણ્યા કાર ચાલકે ઠોકરે ચડાવતાં અકસ્માત સર્જાયો હતો. અકસ્માતમાં ગંભીર રીતે ઘવાયેલા યુવકને તાત્કાલીક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યો હતો. જ્યાં યુવકનું સારવાર દરમિયાન મોત નિપજતાં પરિવારમાં અરેરાટી સાથે શોકની લાગણી પ્રસરી છે. પ્રાથમિક પુછપરછમાં મૃતક કલ્પેશ રાઠવા બે ભાઈ એક બહેનમાં મોટો હતો અને તેને સંતાનમાં એક પુત્ર છે. કલ્પેશ રાઠવા ચોટીલા ચામુંડા માતાજીના દર્શને આવ્યો હતો. તે દરમિયાન રસ્તો ઓળંગતી વખતે અજાણ્યા કાર ચાલકે ઠોકરે ચડાવતાં મોત નિપજ્યું હોવાનું જાણવા ળ્યું છે. આ અંગે ચોટીલા પોલીસે નોંધ કરી અકસ્માત સર્જી નાસી છુટેલા કાર ચાલકને ઝડપી લેવા ચક્રોગતિમાન કર્યા છે.
