રવિવારે સવારે બેંગલુરુના કેમ્પેગૌડા ઇન્ટરનેશનલ એરપોર્ટ પર એક મોટી ઘટના ટળી ગઈ જ્યારે લંડન જતી વર્જિન એટલાન્ટિક લાઇટને ટેકનિકલ ખામીને કારણે ટેકઓફ કર્યા પછી તરત જ તાત્કાલિક પરત ફરવું પડ્યું. બેંગલુરુ ઇન્ટરનેશનલ એરપોર્ટ લિમિટેડ ના સત્તાવાર સૂત્રોના જણાવ્યા અનુસાર, બોઇંગ વિમાનમાં સવાર તમામ ૨૭૦ મુસાફરો અને ક્રૂ સભ્યો સુરક્ષિત છે.
વર્જિન એટલાન્ટિક લાઇટ સવારે લગભગ ૮:૨૦ વાગ્યે બેંગલુરુથી લંડન માટે ઉડાન ભરી હતી. જોકે, હવામાં ઉડાન ભર્યાના થોડા સમય પછી, ક્રૂને વિમાનમાં ટેકનિકલ ખામી જોવા મળી.
સલામતીને પ્રાથમિકતા આપતા, પાઇલટ્સે તાત્કાલિક સાવચેતીનાં પગલાં લીધાં અને વિમાનને એરપોર્ટ તરફ પાછું ફેરવ્યું. સલામત ઉતરાણની સ્થિતિ સુનિશ્ર્ચિત કરવા અને માનક પ્રોટોકોલનું પાલન કરવા માટે વિમાન બેંગલુરુ પરત ફરતા પહેલા અડધા કલાકથી વધુ સમય માટે નજીકના તુમકુરુ વિસ્તારમાં ચક્કર લગાવ્યું.
