એન્ફોર્સમેન્ટ ડિરેક્ટોરેટ (ED) એ ફરી એકવાર મહાદેવ ઓનલાઈન બુક સટ્ટાબાજી કેસમાં પોતાની પકડ મજબૂત બનાવી છે, કરોડો રૂપિયાની સંપત્તિ જપ્ત કરી છે. રાયપુર ઝોનલ ઓફિસ દ્વારા હાથ ધરવામાં આવેલી આ નવીનતમ કાર્યવાહીમાં, આશરે રૂ.21.45 કરોડની સ્થાવર અને જંગમ મિલકતો જપ્ત કરવામાં આવી છે. પ્રિવેન્શન ઓફ મની લોન્ડરિંગ એક્ટ (ઙખકઅ) હેઠળ હાથ ધરવામાં આવેલી ઊઉ ની આ કાર્યવાહીથી સટ્ટાબાજી સિન્ડિકેટ સાથે સંકળાયેલા લોકોમાં ગભરાટ ફેલાયો છે. આ કાર્યવાહીમાં ભારત અને દુબઈમાં લક્ઝરી એપાર્ટમેન્ટ્સ, દુકાનો અને કિંમતી જમીનનો સમાવેશ થાય છે, જે બધા ગેરકાયદેસર રીતે મેળવેલા પૈસાથી મેળવેલા છે.આ જપ્તીના આદેશમાં મહાદેવ બુકના મુખ્ય પ્રમોટર રવિ ઉપ્પલ સહિત અનેક અગ્રણી નામોનો સમાવેશ થાય છે. ફરાર રવિ ઉપ્પલની દુબઈમાં આશરે રૂ.6.75 કરોડની સંપત્તિ જપ્ત કરવામાં આવી છે.
