મંગળ ગ્રહ પર ‘નાસાની એઆઇ ડ્રાઇવ સફળ
૨૦૨૫ના ડિસેમ્બરમાં નાસાની પર્સિવેરન્સ રોવરે મંગળ ગ્રહ પર પ્રથમ વખત એઆઈ દ્વારા સ્વતંત્ર રીતે ડ્રાઇવ કરી હતી. સ્પેસ એક્સપ્લોરેશનના ઇતિહાસમાં આ એક મોટી સિદ્ધિ સાબિત થઈ છે. આ સિદ્ધિ પાછળ ભારતીય મૂળની રોબોટિક્સ એક્સપર્ટ વંદૃી વર્મા છે. ભવિષ્યના મિશનોમાં અન્ય ગ્રહો પર મશીનને કેવી રીતે વધુને વધુ એડવાન્સ બનાવવા એ વંદૃીનું કામ છે.
૨૦૨૫ની ૮ અને ૧૦ ડિસેમ્બરે નાસાએ એક રેકોર્ડ બનાવ્યો હતો. નાસાની પર્સિવેરન્સ રોવર દ્વારા મંગળની સપાટી પર જે સફર કરવામાં આવી હતી એ સંપૂર્ણપણે એઆઈ દ્વારા કરવામાં આવી હતી. એમાં કોઈ પણ વ્યક્તિએ ભૂમિકા નહોતી ભજવી. આ ડ્રાઇવ જેઝેરો ક્રેટરના કિનારે થઈ હતી. ત્યાનો વિસ્તાર ખૂબ જ અટપટો અને વૈજ્ઞાનિક રસ ધરાવતો વિસ્તાર છે. આ પ્રથમ વખત હતું જ્યારે કોઈ ગ્રહ પર રોવરે એઆઈ દ્વારા બનાવેલા માર્ગદૃર્શક િંબદૃુઓનો ઉપયોગ કરીને સફર કરી હતી. આ માર્ગને નાસાના ડિજિટલ ટ્વિન સિમ્યુલેશન દ્વારા ચકાસવામાં અને મિશન ટીમ દ્વારા મંજૂર કરવામાં આવ્યા હતા. આ સિદ્ધિ સ્પેસ એક્સપ્લોરેશનમાં એક મોટું પગલું છે. એના દ્વારા પૃથ્વી આધારિત નિયંત્રણ પરની નિર્ભરતા ઘટાડે છે અને દૃૂરના ગ્રહો પર ઝડપી અને વધુ અસરકારક નિર્ણય લેવાની ક્ષમતામાં વધારો થાય છે.
આ ટેક્નોલોજીકલ એડવાન્સમેન્ટ માટે વંદૃી વર્માનો ખૂબ જ મોટો હાથ છે. નાસાના જેટ પ્રોપલ્શન લેબોરેટરીમાં સિનિયર એન્જિનિયર તરીકે તે કામ કરે છે.
વંદૃી વર્માનો જન્મ પંજાબના હલવારા શહેરમાં થયો હતો અને તેઓ ભારતીય વાયુસેનાના પરિવારમાં ઉછર્યા હતા.
