દિલ્હી મતદાર યાદીમાં અડવાણી સહિતના વીવીઆઈપી વોટર્સના નામ કલીયર થઈ ગયા

જય હિન્દ 1 View

પાટનગર દિલ્હીમાં 33 લાખથી વધુ મતદારોને ચુંટણીપંચની નોટીસમાં અનેક વીવીઆઈપીના નામ પણ ચમકી ગયા છે જેમાં પુર્વ નાયબ વડાપ્રધાન એલ.કે.અડવાણી, પુર્વ ઉપરાષ્ટ્રપતિ જયદીપ ધનખડ તથા વિદેશમંત્રી એસ.જયશંકર, દિલ્હીના મુખ્યમંત્રી રેખા ગુપ્તા અને પુર્વ મુખ્યમંત્રી અરવિંદ કેજરીવાલનો પણ સમાવેશ થતો હતો અને તેઓ મતદાર છે તે માટેના ચુંટણીપંચે નિશ્ર્ચિત કરેલા પુરાવા આપવાના હતા. એક તરફ દિલ્હીમાં લાખો લોકો ચુંટણીપંચની ઓફીસમાં બીએલઓ પાસે ધકકા ખાય રહ્યા છે તે સમયે આ તમામ વીવીઆઈપીના નામ કલીયર કરી દેવામાં આવ્યા છે અને તેઓ દિલ્હીના મતદાર છે તે નિશ્ર્ચિત થઈ ગયું છે. આ વિવાદ ચગ્યા બાદ વીવીઆઈપી નામો પણ બહાર આવતા ચુંટણીપંચે તેમના નામો અંગે ખાસ ચિંતા કરી હોવાનું માનવામાં આવે છે અને તેમની પાસેથી ચુંટણીપંચના અધિકારીઓ ખુદ જઈને પુરાવા લઈ આવ્યા હતા અને તે રીતે તેમના નામ ફરી એક વખત દિલ્હીની મતદાર યાદીમાં સમાવેશ થઈ ગયા છે.

રિલેટેડ ન્યૂઝ