જો તમે ઓછા બજેટમાં નવી જગ્યાઓ ખૂંદવાના શોખીન છો અને દિલ્હીની આસપાસ જ ક્યાંક ફરવાનો પ્લાન બનાવી રહ્યા છો, તો આ સુંદર પ્રવાસન સ્થળો તમારા માટે પરફેક્ટ ઓપ્શન બની શકે છે. ભારે ખર્ચ કર્યા વગર તમે આ મનોરમ્ય સ્થળો પર મનની શાંતિ અને એડવેન્ચર બંનેનો આનંદ માણી શકો છો:
૧. ઋષિકેશ (ઉત્તરાખંડ)દિલ્હીથી માત્ર ૨૬૫ કિમીના અંતરે આવેલું ઋષિકેશ બજેટ ફ્રેન્ડલી ટ્રિપ માટે ઉત્તમ સ્થળ છે. અહીં તમે પવિત્ર ગંગા કિનારે શાંતિનો અનુભવ કરી શકો છો અને સાંજે ત્રિવેણી ઘાટની ભવ્ય મહાઆરતીનો લહાવો લઈ શકો છો. આ સિવાય એડવેન્ચરના શોખીનો માટે રિવર રાફ્ટિંગ અને બંજી જમ્પિંગ જેવી થ્રિલિંગ એક્ટિવિટીઝ પણ ઉપલબ્ધ છે.
૨. લેન્સડાઉન (ઉત્તરાખંડ)જો તમને હિલ સ્ટેશનની ભીડભાડથી દૂર શાંત વાતાવરણ ગમતું હોય, તો ગાઢ પાઈનના જંગલોથી ઘેરાયેલું લેન્સડાઉન બેસ્ટ ચોઈસ છે. કુદરતી સૌંદર્યથી ભરપૂર આ હિલ સ્ટેશન દિલ્હીથી આશરે ૨૯૦ કિમી દૂર છે અને ખૂબ જ ઓછા ખર્ચમાં અહીં પ્રકૃતિને માણી શકાય છે.
૩. જયપુર (રાજસ્થાન)ઐતિહાસિક વિરાસત અને રાજાશાહી ઠાઠમાઠના શોખીનો માટે ‘પિંક સિટી’ જયપુર શ્રેષ્ઠ વિકલ્પ છે. દિલ્હીથી નજીક હોવાથી રોડ કે ટ્રેન માર્ગે સસ્તામાં પહોંચી શકાય છે. અહીં તમે આમેરનો કિલ્લો, હવા મહેલ, સિટી પેલેસ અને જલ મહેલ જેવા ભવ્ય સ્થાપત્યો જોઈ શકો છો.
૪. આગ્રા (ઉત્તર પ્રદેશ)વિશ્વની અજાયબી પૈકીના એક એવા ‘તાજમહેલ’નું દીદાર કરવા માટે આગ્રા પરફેક્ટ જગ્યા છે. દિલ્હીથી એક્સપ્રેસ-વે કે ટ્રેન દ્વારા ખૂબ જ ઝડપથી અને ઓછા ખર્ચે આગ્રા પહોંચી શકાય છે. તાજમહેલ ઉપરાંત તમે આગ્રા ફોર્ટ અને મહેતાબ બાગની પણ મુલાકાત લઈ શકો છો.
૫. મસૂરી (ઉત્તરાખંડ)પહાડોની રાણી તરીકે ઓળખાતું મસૂરી તેના આહલાદક હવામાન માટે જાણીતું છે. અહીંનો ફેમસ મોલ રોડ, કંપની ગાર્ડન અને ગન હિલ પ્રવાસીઓ માટે મુખ્ય આકર્ષણનું કેન્દ્ર છે. બજેટમાં મુસાફરી કરવા માટે હોટેલ અને સવારીનું એડવાન્સ બુકિંગ કરાવી લેવું હિતાવહ રહેશે.
