સ્થાનિક સ્વરાજ્યની ચૂંટણી માટે અમરેલી જિલ્લામાં કુલ 302 ઉમેદવારી પત્રો ભરાયા આજે ઉમેદવારી પત્રો ભરવાનો છેલ્લો દિવસ

અમરેલી જિલ્લામાં આગામી તા.26 ના રોજ એક જિલ્લા પંચાયત, 11 તાલુકા પંચાયત તથા 6 નગર પાલિકાની સામાન્ય ચૂંટણીઓ યોજાનાર છે. ત્યારે આવતીકાલે ઉમેદવારીપત્ર ભરવાનો અંતિમ દિવસ છે. ત્યારે હવે ચૂંટણી લડવા માટે ઉત્સુક બનેલાં ઉમેદવારોએ ઉમેદવારી પત્ર ભરવા માટે આજે ઘસારો કર્યો હતો. આજે એક જ દિવસમાં 6 નગરપાલિકામાં 85, 11 તાલુકા પંચાયતમાં 176 તથા એક જિલ્લા પંચાયત માટે 41 મળી કુલ 302 ઉમેદવારીપત્રો જે તે ચૂંટણી અધિકારીઓ સમક્ષ રજુ કરવામાં આવ્યા છે. અમરેલી જિલ્લાવાર પંચાયતની 34 બેઠકો માટે, 11 તાલુકા પંચાયતની 190 બેઠકો તથા 6 નગરપાલિકાના 46 વોર્ડ માટે 184 બેઠકો માટે આગામી તા.26 ના રોજ યોજાનાર છે. આ તમામ ચૂંટણીઓ માટે ઉમેદવારીપત્ર રજુ કરવાં માટે આવતીકાલ શનિવારે અંતિમ દિવસ છે. ત્યારે અમરેલી જિલ્લામાં હવે ધીમેધીમે ચૂંટણી લડવા માંગતાં મુરતિયાઓ મેદાને જંગમાં ઉતરી રહયાં છે. આજ સુધીમાં કુલ 6 નગરપાલિકામાં 97, 11 તાલુકા પંચાયતમાં 257 તથા એક જિલ્લા પંચાયત માટે 58 મળી કુલ 412 ઉમેદવારીપત્રો જે તે ચૂંટણી અધિકારીઓ સમક્ષ રજુ કરવામાં આવ્યા છે.

રિલેટેડ ન્યૂઝ

વડિયા-કુંકાવાવ તાલુકામાં ઉમેદવારી પત્ર ભરવાનો આરંભ : ત્રિપાંખિયો જંગ ખેલાશે

બોટાદમાં પાલિકાની ચૂંટણી અંતર્ગત જૈન સમાજના ફિરકાઓની મિટીંગ મળી

ઉનાના નાંદણ ગામની સીમમાં સસલાનો શિકાર કરતા ચાર યુવાનો ઝડપાયા