પોલીસી બનાવનાર ગુજરાત દેશનું પ્રથમ રાજય બન્યુ
ગુજરાત હવે જહાજ બનાવવામાં પણ મોખરે રહેશે. મુખ્યમંત્રી ભુપેન્દ્રભાઇ પટેલના હસ્તે ગુજરાત શિપ બિલ્ડીંગ એન્ડ રીપેર પોલીસી લોન્ચ કરાઇ છે. મુખ્યમંત્રી ભૂપેન્દ્રભાઈ પટેલે દેશના શિપ બિલ્ડિંગ સેક્ટરને નવી દિશા આપનારી મહત્વાકાંક્ષી ગુજરાત બિલ્ડીંગ એન્ડ રિપેર પોલિસી-2026 ગાંધીનગર ખાતે લોન્ચ કરી હતી. દેશમાં સૌથી વધુ 2340 કિલોમીટર લાંબો દરિયા કિનારો ધરાવતા ગુજરાતમાં વિશ્ર્વસ્તરીય માળખાકીય સુવિધાઓ, અદ્યતન ટેકનોલોજી, સસ્ટેબલ ડેવલપમેન્ટ અને ઇન્વેસ્ટર્સ ફ્રેન્ડલી પોલીસીઝના આધારે ગુજરાતને દેશના અગ્રણી શિપ બિલ્ડીંગ અને રિપેર સેન્ટર તરીકે આ પોલિસી પ્રસ્થાપિત કરશે. વડાપ્રધાન નરેન્દ્રભાઈ મોદીએ આપેલ આત્મનિર્ભર ભારતના વિઝનને ગુજરાત આ મહત્વાકાંક્ષી પોલિસીથી સાકાર કરશે. એટલું જ નહીં, આ પોલિસી ભારત સરકારની શિપ બિલ્ડિંગ ફાઇનાન્સિયલ એસસીસ્ટન્ટ સ્કીમ-2025 જઇઋઅજ અને મેરીટાઇમ વિઝન 2047 તેમજ આત્મનિર્ભર ભારતના વ્યાપક લક્ષ્ય સાથે સુસંગત છે. આ નીતિ ગુજરાત રાજ્યમાં શિપબિલ્ડિંગ ઉત્પાદન ક્ષમતા 50 લાખ ડેડ વેઇટ ટનેજ (ઉઠઝ)થી વધુ સુધી વધારવા, બે ઇન્ટિગ્રેટેડ મેગા શિપબિલ્ડિંગ પાર્ક્સની સ્થાપના તેમજ 5 લાખથી વધુ વ્યક્તિઓને કૌશલ્ય વિકાસ અને ક્ષમતાવર્ધન માટે તાલીમ આપવાની દિશામાં પ્રેરક બળ બનશે. મુખ્યમંત્રી દ્વારા રાજ્યનું વિકસિત બંદર માળખું, મજબૂત ઔદ્યોગિક પરિસ્થિતિ અને સમૃદ્ધ દરિયાઈ વારસાના મુખ્ય આધારસ્તંભો પર આધારિત લોન્ચ કરવામા આ પોલિસીથી આત્મનિર્ભર ભારતના વડાપ્રધાનના વિઝનમાં વિકસિત ગુજરાત2047થી સક્રિય સહભાગી થઈને ગુજરાત વૈશ્ર્વિક સ્તરે એક સ્પર્ધાત્મક શિપ બિલ્ડીંગ ઈકોસિસ્ટમનું નિર્માણ કરશે.
