ફાયરના જવાનોની પ્રંશસનીય કામગીરી અને હોસ્પિટલનો તમામ સ્ટાફ ખડે પગે રહી ઈજાગ્રસ્તોની કરી સારવાર
દીવમાં સીવીલ ડિફેન્સ મોક એક્સર સાઈઝમાં દીવ પ્રશાસન દ્વારા મોકડ્રીલનું નેતૃત્વ કરાયું હતું. જેમાં સાંજે 6 કલાકે સાયરન બાદ ડી.એમ.સી. બિલ્ડીંગમાં દુર્ધટના થયુ હોવાનું જાણ થતા ફાયરની ગાડીઓ અને એમ્બ્યુલન્સ ડી.એમ.સી. સ્થળે પહોંચી હતી. ડી.એમ.સી. બિલ્ડીંગમાં ઘાયલ લોકોને ફાયરના જવાનોએ બહાર કાઢયા હતા. ત્યારબાદ તાત્કાલિક આ ઈજાગ્રસ્ત શખ્સોને દીવ સરકારી હોસ્પિટલ સારવાર અર્થે ખસેડ્યા જ્યાં તમામ સ્વાસ્થય કર્મીઓએ આ ઈજા પામેલા શખ્સોની સારવાર શરૂ કરી હતી. આ મોકડ્રીલમાં એક ફાયરના જવાન સહિત 6 ઘાયલ થયા હતા. જેમાના બે શખ્સોને ગંભીર ઈજા થતા તેમને દીવ હોસ્પિટલમાં જ આઈ.સી.યુ. માં મૂકેલ છે. ફરજ પરના તબીબે જણાવ્યું કે આ બે શખ્સોને આઈ.સી.યુ માં રાખેલ છે. અને તેઓને સારૂ થઈ જશે સમયસર સારવાર મળતા કોઈ મોટી જાન હાનિ થઈ નથી. જેથી પ્રંશાસને રાહતનો શ્ર્વાસ લીધો હતો. આ મોકડ્રીલ ડેપ્યુટી કલેકટર શીવમ મીશ્રાના નેતૃત્વમાં સફળ રીતે યોજાઈ હતી.
