લીંબડી શહેરના રાજકવિ ચોક ખાતે આવેલા અંબિકા જ્વેલર્સના માલિક હસમુખલાલ ઉર્ફે હર્ષદભાઈ ડાયાભાઈ આદેસરાના ઘરેથી 600 ગ્રામ સોનાના બિસ્કિટ ચોરાયા છે. આ સોનાની કિંમત આશરે 36 લાખ છે. આ અંગે પોલીસ ફરિયાદ નોંધાતા સમગ્ર પંથકમાં ચકચાર મચી છે.
ફરિયાદમાં જણાવ્યા મુજબ, હસમુખલાલભાઈએ વર્ષ 2021માં અંબાજી દર્શન માટે જતાં પહેલાં 100-100 ગ્રામના 6 સોનાના બિસ્કિટ ઘરના બીજા માળે આવેલા માળિયામાં એક પાકીટમાં સંતાડ્યા હતા. આ પછી પરિવાર અમદાવાદ સહિત અન્ય સ્થળોએ અવરજવર કરતો રહ્યો. આ સમયગાળા દરમિયાન, ઘરમાં એક નવી મહિલાને ઘરકામ માટે રાખવામાં આવી હતી અને ઘરની સંપૂર્ણ સફાઈ પણ કરાવાઈ હતી. થોડા સમય પછી જ્યારે હસમુખલાલભાઈએ માળિયામાં તપાસ કરી, ત્યારે પાકીટ સહિત તમામ 6 સોનાના બિસ્કિટ ગાયબ મળ્યા. પરિવારના સભ્યોની તબિયત ખરાબ રહેતી હોવાથી, ઓપરેશન અને સારવાર જેવી પરિસ્થિતિઓને કારણે તે સમયે પોલીસ ફરિયાદ નોંધાવાઈ નહોતી.
ફરિયાદમાં ઘરકામ કરતી મહિલા પર શંકા વ્યક્ત કરવામાં આવી છે. જોકે, મહિલાએ સોનાના બિસ્કિટ વિશે કોઈ જાણકારી હોવાનો ઇનકાર કર્યો છે. આખરે, કોઈ અજાણ્યા શખ્સે ઘરમાં ઘૂસીને ચોરી કરી હોવાની ફરિયાદ પોલીસમાં નોંધાવવામાં આવી છે.
રિલેટેડ ન્યૂઝ
-
નિરાધાર બાળકોનું જીવન બદલતા પ્રાંત અધિકારી: સ્કુલ, રહેવા, જમવાની વ્યવસ્થા કરાઇ
સુરેન્દ્રનગર વહીવટી તંત્રની અનોખી સેવા જિલ્લા કલેક્ટર જી. એચ. સોલંકીની સંવેદનશીલ પહેલ અને વઢવાણ પ્રાંત અધિકારીશ્રીની... -
વઢવાણ સિવિલ હોસ્પિટલની ઇલે. પેનલ બોર્ડમાં આગ
સુરેન્દ્રનગર જિલ્લામાં આગ લાગવાની ઘટનાઓમાં સતત વધારો થઈ રહ્યો છે ત્યારે સુરેન્દ્રનગરની મુખ્ય સિવિલ હોસ્પિટલ ની... -
વઢવાણ-લખતર હાઈવે પર આઈસર-પીકઅપ કાર વચ્ચે જીવલેણ અકસ્માત : એકનું મોત
સુરેન્દ્રનગર જિલ્લામાં અકસ્માતોની સંખ્યામાં વધારો થયો છે ત્યારે સુરેન્દ્રનગર જિલ્લાના વઢવાણ લખતર હાઇવે ઉપર આવેલા દેદાદરા...
