રૂ. 18.60 લાખના મુદામાલ સાથે એકની અટકાયત, બે ફરાર
રાજકોટ રેન્જના નાયબ પોલીસ મહાનિરીક્ષક નિર્લિપ્ત રાયના માર્ગદર્શન તથા રાજકોટ ગ્રામ્ય જિલ્લાના પોલીસ અધિક્ષક વિજયસિંહ ગુર્જર (ઈંઙજ)ના દારૂ-જુગાર જેવી ગેરકાયદેસર પ્રવૃત્તિઓ સામે કડક કાર્યવાહી કરવાના નિર્દેશોના અનુસંધાને રાજકોટ ગ્રામ્ય એલસીબીની ટીમ પેટ્રોલિંગમાં હતી તે દરમિયાન મળેલી ચોક્કસ બાતમીના આધારે પીઠડીયા ગામથી આગળ ખોડીયાર હોટલ પાસે વોચ ગોઠવવામાં આવી હતી. બાતમી મુજબ ગોંડલથી જેતપુર તરફ જઈ રહેલી ૠઉં-21-ઇઈ-9295 નંબરની ટોયોટા ઇનોવામાં વિદેશી દારૂનો જથ્થો ભરેલો હતો અને તેની આગળ ૠઉં-03-ખઇં-0054 નંબરની હ્યુન્ડાઈ ક્રેટા પાયલોટિંગ કરી રહી હતી. પોલીસે બંને વાહનોને રોકવાનો પ્રયાસ કરતાં ઇનોવામાંથી એક અને ક્રેટામાંથી બે શખ્સો ભાગવાનો પ્રયાસ કર્યો હતો. પોલીસે એક આરોપીને ઝડપી પાડ્યો હતો, જ્યારે અન્ય બે આરોપીઓ ફરાર થઈ ગયા હતા. ઇનોવાની તપાસ દરમિયાન મોટી માત્રામાં વિદેશી દારૂ મળી આવતા વિરપુર પોલીસ સ્ટેશનમાં ગુનો નોંધાવી આગળની કાર્યવાહી હાથ ધરવામાં આવી છે. પકડાયેલા આરોપી પ્રિન્સ કુરજીભાઈ પરમાર (રહે. પ્રમુખનગર, ગોંડલ) તરીકે થઈ છે. જ્યારે વિશાલ ઉર્ફે નાનુ રમેશભાઈ સાકરીયા (રહે. બિલિયાળા, તા. ગોંડલ) તથા જોરૂભાઈ મનુભાઈ પટગીર (રહે. નોલી, તા. સાયલા, જી. સુરેન્દ્રનગર) ને પોલીસે પકડવા ચક્રોગતિમાન કર્યા છે, પોલીસે 1,309 બોટલ વિદેશી દારૂ (કિંમત રૂ. 3,43,398), રોકડ રૂ. 2,500, ત્રણ મોબાઇલ ફોન (કિંમત રૂ. 15,000), હ્યુન્ડાઈ ક્રેટા કાર (કિંમત રૂ. 5 લાખ) અને ટોયોટા ઇનોવા કાર (કિંમત રૂ. 10 લાખ) સહિત કુલ રૂ. 18,60,898નો મુદ્દામાલ કબ્જે કર્યો છે. આ સમગ્ર સફળ કામગીરી એલસીબી રાજકોટ ગ્રામ્યના પોલીસ ઇન્સ્પેક્ટર જે.પી. રાવના માર્ગદર્શન હેઠળ પીએસઆઈ એચ.સી. ગોહિલ, કે.એમ. ચાવડા, આર.વી. ભીમાણી, શ્રી પી.એન. ભરવાડ, એએસઆઈ બાલકૃષ્ણ ત્રિવેદી તેમજ એલસીબીની ટીમના અધિકારીઓ અને કર્મચારીઓએ સંયુક્ત રીતે પાર પાડી હતી.
