સંચાલન મોંઘુ: એરઈન્ડિયાએ રોજની 100 ફલાઈટ બંધ કરી

જય હિન્દ 1 View

વિમાની ઈંધણના ભાવ વધતા દેશની એરલાઈન્સ માટે પણ કટોકટીની હાલત છે. એક તરફ યુદ્ધના કારણે ઈરાન એરસ્પેસ જોખમી બની છે. બીજી તરફ પાકિસ્તાન દ્વારા હજુ ભારતીય નાગરિક વિમાનો માટે એરસ્પેસ ખોલવામાં આવી છે તેથી ભારતીય એરલાઈન્સે લાંબુ ચકકર મારીને વિદેશની ઉડાનો કરવી પડે છે તે વચ્ચે ઈંધણના ભાવમાં વધારો થતા એરલાઈનનું બજેટ બગડી ગયું છે અને એરઈન્ડિયાએ તેની ઘરેલુ તથા આંતરરાષ્ટ્રીય વિમાની સેવામાં રોજની 100 જેટલી ફલાઈટ હાલ બંધ કરવા નિર્ણય લીધો છે. એરઈન્ડીયા રોજની 1100 જેટલી ફલાઈટનું સંચાલન કરે છે અને કંપનીએ અત્યાર સુધી તે જાળવી રાખવા પ્રયત્ન કર્યો હતો પરંતુ હવે ઈંધણના ભાવમાં થયેલા ભારે વધારાએ વિમાની કંપનીઓ માટે નવી મુશ્કેલી લાવી છે. ગત સોમવારે જ ફેડરેશન ઓફ ઈન્ડીયન એરલાઈન્સે સરકારને ચેતવણી આપી હતી કે ઈંધણના ભાવમાં જો વધારો ચાલુ રહેશે તો એરલાઈન્સ માટે ઓપરેશન મુશ્કેલ બનશે. જો કે આજે જ સરકારે ઈંધણના જે નવા ભાવ જાહેર કર્યા છે તેમાં વિમાની ઈંધણના ભાવમાં કોઈ વધારો કર્યો નથી. તેમ છતાં પણ માર્ચ માસ કરતા પણ હાલ વિમાની ઈંધણના ભાવ ડબલ થઈ ગયા છે.

રિલેટેડ ન્યૂઝ