ટોન્બો ઇમેજિંગ ઈન્ડિયા લિમિટેડનો આઈપીઓ કાલે ખુલશે

ટોન્બો ઇમેજિંગ ઈન્ડિયા લિમિટેડ તેના રૂ. 2ની ફેસ વેલ્યુ ધરાવતા ઇક્વિટી શેરનો આઈપીઓ ગુરુવાર, 15 ઓક્ટોબર, 2026ના રોજ ખુલ્લો મૂકવાની દરખાસ્ત ધરાવે છે. એન્કર ઇન્વેસ્ટર્સ માટે બિડીંગની તારીખ બુધવાર, 14 ઓક્ટોબર, 2026 નક્કી કરવામાં આવી છે, જે આઈપીઓ ખુલવાની તારીખના કામકાજના એક દિવસ પહેલાં છે. આઈપીઓમાં બિડીંગ અને ઓફર બંધ થવાની તારીખ સોમવાર, 19 ઓક્ટોબર, 2026 રહેશે.
આ ઓફર માટે દરેક ઇક્વિટી શેરનો પ્રાઇઝ બેન્ડ રૂ. 665થી રૂ. 700 નક્કી કરવામાં આવ્યો છે. રોકાણકારો ઓછામાં ઓછા 21 ઇક્વિટી શેર માટે બિડ કરી શકશે અને ત્યારબાદ 21 ઇક્વિટી શેરના ગુણાંકમાં બિડ કરી શકશે.
આ ઓફરમાં સંપૂર્ણપણે શેરધારકો દ્વારા તેમના શેર વેચાણની ઓફરનો સમાવેશ થાય છે. આ અંતર્ગત રૂ. 2ની ફેસ વેલ્યુ ધરાવતા કુલ 1,21,74,046 ઇક્વિટી શેર વેચાણ માટે મૂકવામાં આવશે.
ટોન્બો ઇમેજિંગ ઈન્ડિયા લિમિટેડનું મુખ્ય મથક બેંગાલુરુમાં આવેલું છે. કંપની વૈશ્વિક સ્તરે સંરક્ષણ ક્ષેત્ર માટે ઇલેક્ટ્રોનિક્સ ઉપકરણો બનાવતી ઓરિજિનલ ઇક્વિપમેન્ટ મેન્યુફેક્ચરર (ઓઈએમ) છે. કંપની સર્વેલન્સ, રિકોનેસન્સ, ટાર્ગેટિંગ અને કંટ્રોલ માટે સેન્સિંગ, ડેટા પ્રોસેસિંગ, કમ્યૂનિકેશન અને ગાઇડન્સ સિસ્ટમ્સનું ડિઝાઇન, ડેવલપમેન્ટ અને તેનું ઉત્પાદન કરે છે. કંપનીની પ્રોડક્ટ્સમાં થર્મલ ઇમેજિંગ કોર, વેપન સાઇટ્સ, હેન્ડહેલ્ડ થર્મલ ઇમેજિંગ બાયનોક્યુલર્સ, ટાર્ગેટિંગ સિસ્ટમ્સ, મિસાઇલ સીકર્સ અને ફાયર કંટ્રોલ સિસ્ટમ્સનો સમાવેશ થાય છે. આ પ્રોડક્ટ્સ કંપનીના ટેક્ટિકલ સિસ્ટમ્સ અને પ્લેટફોર્મ સિસ્ટમ્સ વિભાગો મારફતે ઉપલબ્ધ કરાવવામાં આવે છે. આ ઉપરાંત, કંપની ડ્રોનના મોટા સમૂહનો સામનો કરવા માટે ડાયરેક્ટેડ એનર્જી સિસ્ટમ્સ પણ વિકસાવી રહી છે. 30 જૂન, 2026 સુધીમાં ટોન્બો ઇમેજિંગે 24 દેશોમાં 28,000થી વધુ સિસ્ટમ્સ લાગુ કરી હતી.

રિલેટેડ ન્યૂઝ

બોન્ફિલિઓલી ટ્રાન્સમિશન્સ લિમિટેડનો આઈપીઓ કાલે ખુલશે

મેન ઓફ પ્લેટિનમ આધુનિક સફળતાની દરેક અભિવ્યક્તિને અનુરૂપ નવી ડિઝાઇન સાથે તેના કલેક્શનને વિસ્તારે છે

ઝેટવર્ક મેન્યુફેક્ચરિંગ બિઝનેસીસ લિમિટેડનો આઈપીઓ કાલે ખુલશે