વંથલી પોલીસે પોક્સો કેસમાં 3 વર્ષથી નાસતા આરોપીને ઝડપી લીધો

જય હિન્દ 0 View

જૂનાગઢ જિલ્લાના વંથલી પોલીસ સ્ટેશન દ્વારા નાસતા-ફરતા આરોપીઓને પકડવા માટે ચલાવવામાં આવી રહેલી ઝુંબેશ અંતર્ગત એક મહત્વની સફળતા મળી છે. દાહોદ જિલ્લાની લીમખેડા સેશન્સ કોર્ટના સ્પે. પોક્સો કેસ નંબર 02/2022 માં છેલ્લા ત્રણ વર્ષથી નાસતા ફરતા આરોપી મેહુલભાઈ ભીખાભાઈ સેલોત (રહે. રણધીકપુર, સેલોત ફળીયુ, તા. લીમખેડા, જી. દાહોદ) ને વંથલી પોલીસે ઝડપી લીધો છે. જૂનાગઢ રેન્જ ડીઆઈજી રાજેન્દ્રસિંહ ચુડાસમા, એસપી સુબોધ ઓડેદરા તથા ડીવાયએસપી રવિરાજસિંહ પરમારની સૂચના મુજબ વંથલી પોલીસ ઈન્સ્પેક્ટર એન.એન. તળાવિયાના માર્ગદર્શન હેઠળ પોલીસ ટીમ પેટ્રોલીંગમાં હતી. આ દરમિયાન પોલીસને મળેલ ખાનગી બાતમીના આધારે આરોપીને ખોખરડા ગામના પાદરમાંથી ઝડપી પાડવામાં આવ્યો હતો. આ કામગીરીમાં પી.આઈ. એન.એન. તળાવીયા, હેડ કોન્સ્ટેબલ એસ.પી. દાફડા, જે.આર. ઝાલા તથા કોન્સ્ટેબલ દિલીપભાઈ ડાંગર, સંજયભાઈ સિસોદિયા અને નિપુણભાઈ સોનારા સામેલ રહ્યા હતા. પોલીસે આરોપી વિરુદ્ધ આગળની કાયદેસરની કાર્યવાહી હાથ ધરી છે.

રિલેટેડ ન્યૂઝ