વઢવાણ પાસેથી પિસ્તલ સાથે યુવક ઝડપાયો : સુરેન્દ્રનગરથી લીધી હતી

જય હિન્દ 0 View

જોરાવર નગર પોલીસ મથકની સર્વેલન્સ ટીમના રવીભાઈ, હરદેવસિંહ, યુવરાજસિંહ સહિતનાઓને પેટ્રોલિંગ દરમિયાન રતનપર ગાંડાવાડી વિસ્તારમાં રહેતા અનીશ રફીકભાઈ માલાણી પાસે ગેરકાયદેસર પીસ્ટલ હોવાની તથા તે હાલ ચાલીને રતનપરના રામેશ્વર મંદિરથી વોરાના પેટ્રોલપંપ તરફ જતો હોવાની બાતમી મળી હતી. જેમાં 25 વર્ષીય અનીશ માલાણી પોલીસને જોઈ નાસવા લાગતા તેને કોર્ડન કરીને દબોચી લેવાયો હતો આ શખ્સની તપાસ કરાતા તેની પાસેથી રૂ. 40 હજારની કિંમતની ગેરકાયદેસર પીસ્ટલ મળી આવી હતી. આ પીસ્ટલ અંગે પુછતા અનીશે માલાણીએ સુરેન્દ્રનગરની ફીરદોષ સોસાયટીમાં રહેતા ઈમરાન ઉર્ફે ઈરફાન રહીમભાઈ જેડા પાસેથી લીધુ હોવાનું જણાવતા બન્ને સામે જોરાવરનગર પોલીસ મથકે આર્મ્સ એકટ મુજબ ફરિયાદ નોંધવામાં આવી હતી.

રિલેટેડ ન્યૂઝ