નાશતા ફરતા બુટલેગરને પકડી પાડતી અમરેલી એસઓજી ટીમ

જય હિન્દ 0 View

આરોપી બોટાદ જિલ્લામાંથી ઝડપાયો
અમરેલી એસ.ઓ.જી. પોલીસ ઇન્સ્પે.બી.જી.ઈશરાણીની રાહબરી હેઠળ એસ.ઓ.જી. ટીમને ખાનગી રાહે બાતમી મળેલ કે, સાવરકુંડલા રૂરલ પોલિસ સ્ટેશન બી.એન.એસ.એક્ટની કલમ-125(એ,બી), 281 તથા એમ.વી.એક્ટની કલમ-177, 184 મુજબનાં ગુન્હાનો નાસતો-ફરતો મુળ અમરેલીનો વતની અને હાલ બોટાદ ગામે આવેલ અમન ટાવર પાસે, મહમદનગર સોસાયટીમાં રહેતા આરોપી ઈરફાન ઉર્ફે ટાલકી મહમદભાઈ ખીમાણી નામના ઈસમને ચોક્કસ બાતમી આધારે બોટાદ ખાતેથી પકડી પાડી, આગળની કાર્યવાહી અર્થે સાવરકુંડલા રૂરલ પો.સ્ટે. ખાતે સોપી આપેલ છે.
ઈરફાન ઉર્ફે મહમદભાઈ ખીમાણી-અમરેલી જિલ્લાનો લીસ્ટેડ પ્રોહી.બુટલેગર્સ તથા હિસ્ટ્રીશીટર છે. તેના વિરુધ્ધમાં ભુતકાળમાં ખુનના બે કેસ, હથિયાર ધારાના ચાર કેસ, અપહરણ, મારા-મારી, એટ્રોસીટી તથા ઇંગ્લીશ દારૂના કબ્જા અને ફેર-ફેર સહિતના કુલ-28 ગુનાઓ નોંધાયેલ છે. તદ્ઉપરાંત ઈસમ વિરૂધ્ધ અગાઉ સને 2009, 2017 તથા 2019 માં પાસા હેઠળ અટકાયત કરી જેલ હવાલે મોકલી આપવામાં આવેલ હતો.

રિલેટેડ ન્યૂઝ