વિદૃેશ મંત્રાલય દ્વારા જાહેર કરાયેલા આંકડામાં ખુલાસો
વિદૃેશમાં ગેરકાયદૃેસર રહેતા ૨૦ હજાર ભારતીયો સામે થાય છે કડક કાર્યવાહી
દેશમાં ગેરકાયદેસર સ્થળાંતર (આ પ્રવાસન) એક રાજકીય મુદ્દો બન્યો રહે છે, પરંતુ આમ છતાં સરકાર દર વર્ષે માત્ર બે-અઢી હજાર લોકોને જ કસ્ટડીમાં લઈ શકે છે અથવા તો પાછા તેમના દેશ મોકલી શકે છે. બીજી તરફ વિદેશમાં ગેરકાયદેસર રીતે રહી રહેલા લગભગ 19-20 હજાર ભારતીયોને દર વર્ષે કસ્ટડીમાં લેવામાં આવે છે અથવા તો ડિપોર્ટ કરવામાં આવે છે. વિદેશ મંત્રાલય દ્વારા સંસદમાં રજૂ કરવામાં આવેલા આંકડા પરથી આ ખુલાસો થયો છે.
ખાડી દેશો અને અમેરિકામાંથી સૌથી વધુ ભારતીયો ડિપોર્ટ થાય છે. વિદેશ મંત્રાલયનાં આંકડા અનુસાર, વર્ષ 2025 માં લગભગ 19,811 ભારતીયોને ગેરકાયદેસર પ્રવાસના આરોપમાં કસ્ટડીમાં લેવામાં આવ્યા અને પછી તેમને પાછા મોકલવામાં આવ્યા.
નજીક હોવાને કારણે ખાડી દેશોમાં જ્યાં મોટા પાયે ભારતીયો રોજગાર માટે જાય છે અને ઘણી વખત વીઝા રિન્યુ ન થવાને કારણે ગેરકાયદેસર રીતે કામ કરવા લાગે છે. પરંતુ, ઘણા નાના-નાના દેશોમાંથી પણ ભારતીયોને ગેરકાયદેસર પ્રવાસ માટે કસ્ટડીમાં લેવામાં આવી રહ્યાં છે. સરકારી આંકડા અનુસાર, વર્ષ 2025માં જ્યોર્જિયામાં 12, કોલંબિયામાં 30, જમૈકામાં 3, લિથુઆનિયામાં 4, માલ્ટામાં 3, સ્લોવાકમાં 27 તથા બાંગ્લાદેશમાં 231 ભારતીયોને કસ્ટડીમાં લેવામાં આવ્યા અથવા તો ડિપોર્ટ કરાયા.
ભારતમાં ગેરકાયદેસર રીતે રહી રહેલા વિદેશી નાગરિકોને કસ્ટડીમાં લેવાના આંકડા જાહેર (સાર્વજનિક) નથી. પરંતુ, અલગ-અલગ સ્રોતોમાંથી જે માહિતી મળી છે તે અનુસાર વર્ષમાં લગભગ 2-2.5 હજાર વિદેશી નાગરિકોને કસ્ટડીમાં લેવામાં આવે છે તથા નક્કી કરાયેલી પ્રક્રિયાઓ પૂરી કરીને તેમને ડિપોર્ટ કરવામાં આવે છે.
