11 પ્રોહિબીશન કેસમાં રૂ.45,041નો મુદ્દામાલ જપ્ત, હથિયાર ધારા હેઠળ 10 કેસ; 6 વાહનો ડિટેઇન અને એમ.વી. એક્ટ ના 25 કેસમાં રૂ.10,100નો સ્થળ પર દંડ
ગીર સોમનાથ જિલ્લામાં ગેરકાયદેસર પ્રવૃત્તિઓ સામે પોલીસ તંત્ર દ્વારા કડક કાર્યવાહીનો દોર યથાવત્ છે. ખાસ કરીને બુટલેગરો, સક્રિય ગુનેગારો, માથાભારે ઇસમો અને હિસ્ટ્રીશીટરો પર પોલીસની બાજ નજર વચ્ચે ઉના શહેરમાં પોલીસ દ્વારા મેગા કોમ્બિંગ અને સઘન વાહન ચેકિંગ હાથ ધરવામાં આવ્યું હતું. પોલીસ ની અલગ-અલગ ટીમો દ્વારા એકસાથે કરવામાંઆવેલી આ કાર્યવાહીમાં કુલ 21 આરોપીઓ ઝડપાયા છે, જ્યારે પ્રોહિબીશન, હથિયાર અને ટ્રાફિક નિયમોના ભંગ સહિતની વિવિધ કાર્યવાહી કરવામાં આવી ઉના વિભાગના નાયબ પોલીસ અધિક્ષક એમ.એફ. ચૌધરી દ્વારા ગેરકાયદેસર પ્રવૃત્તિઓ કરતા ઇસમો વિરુદ્ધ કડક કાર્યવાહી કરવા સૂચના આપવામાં આવી હતી. આ સૂચના અને માર્ગદર્શનના અનુસંધાને ઉના પોલીસ દ્વારા મેગા કોમ્બિંગનું આયોજન કરવામાં આવ્યું હતું નવનિયુક્ત ઉના પોલીસ સ્ટેશનના પોલીસ ઇન્સ્પેક્ટર કે.આઇ. જાડેજા અને ગીર સોમનાથ એલ.સી.બી.નાપોલીસઇન્સ્પેક્ટર એમ.કે.વણારકા ની આગેવાની હેઠળ મેગા કોમ્બિંગ હાથ ધરવામાં આવ્યું હતું. આ કામગીરીમાં એલ.સી.બી., એસ.ઓ.જી. અને ઉના પોલીસ સ્ટેશનના અધિકારીઓ તથા કર્મચારીઓની અલગ-અલગ ટીમો બનાવવામાં આવી હતી. ટીમો દ્વારા ઉના પોલીસ સ્ટેશનના ટાઉન વિસ્તારમાં સઘન ચેકિંગ કરી પ્રોહિબીશન બુટલેગરો, સક્રિય ગુનેગારો, માથાભારે ઇસમો તથા હિસ્ટ્રીશીટરોની તપાસ કરવામાં આવી હતી.પોલીસે શંકાસ્પદ ગતિવિધિઓ પર નજર રાખવાની સાથે વાહન ચેકિંગ પણ હાથ ધર્યું હતું. શહેરના વિવિધ વિસ્તારોમાં પોલીસની ટીમો સક્રિય થતાં ગેરકાયદેસર પ્રવૃત્તિઓ સાથે સંકળાયેલા તત્વોમાં ફફડાટ જોવા મળ્યો હતો. મેગા કોમ્બિંગ દરમિયાન પ્રોહિબીશન ધારા ભંગના કુલ 11 કેસ નોંધવામાં આવ્યા હતા. આ કેસોમાં પોલીસે રૂ.45,041ની કિંમતનો પ્રોહિબીશન મુદ્દામાલ કબ્જે કર્યો હતો.ઉનામાં ગેરકાયદેસર દારૂનીપ્રવૃત્તિઓનેડામવા માટે પોલીસ દ્વારા કરવામાં આવેલી આ કાર્યવાહી મહત્વપૂર્ણ માનવામાં આવી રહી છે. બુટલેગરો અને ગેરકાયદેસર દારૂના ધંધા સાથે સંકળાયેલા ઇસમો સામે પોલીસની સતત નજર હોવાનું આ કાર્યવાહીથી સ્પષ્ટ થયું છે.મેગા કોમ્બિંગ દરમિયાન હથિયાર ધારા ભંગ તથા જી.પી. એક્ટની કલમ-135 હેઠળ કુલ 10 કેસ કરવામાં આવ્યા હતા. પોલીસ દ્વારા શંકાસ્પદ અને ગુનાહિત પ્રવૃત્તિ સાથે સંકળાયેલા ઇસમોની તપાસ કરી કાયદા મુજબ કાર્યવાહી હાથ ધરવામાં આવી હતી. પોલીસની આ કાર્યવાહીથી શહેરમાં કાયદો અને વ્યવસ્થા જાળવવા માટે પોલીસ તંત્ર દ્વારા કરવામાં આવતી પેટ્રોલિંગ અને ચેકિંગ કામગીરીને વધુ વેગ મળ્યો છે.મેગા કોમ્બિંગ માત્ર ગુનેગાર તત્વો પૂરતું સીમિત ન રહેતા પોલીસે વાહન ચેકિંગ પણ સઘન બનાવ્યું હતું. એમ.વી. એક્ટની કલમ-207 મુજબ કુલ 6 વાહનો ડિટેઇન કરવામાં આવ્યા હતા.આ ઉપરાંત ટ્રાફિક નિયમોના ભંગ બદલ એમ.વી. એક્ટ હેઠળ કુલ 25 એન.સી. કેસ કરવામાં આવ્યા હતા અને સ્થળ પર જ રૂ.10,100નો દંડ વસૂલવામાં આવ્યો હતો.
21 આરોપીઓ ઝડપાતા પોલીસની કાર્યવાહી ચર્ચામાં
સમગ્ર મેગા કોમ્બિંગ દરમિયાન વિવિધ ગુનાઓ અને કાયદાના ભંગ બદલ કુલ 21 આરોપીઓને ઝડપી પાડવામાં આવ્યા હતા. એક જ મેગા કોમ્બિંગ દરમિયાન પ્રોહિબીશન, હથિયાર ધારા અને મોટર વ્હીકલ એક્ટ હેઠળ કરવામાં આવેલી કાર્યવાહીથી પોલીસની કામગીરીની વ્યાપકતા સામે આવી છે. પોલીસની આ કાર્યવાહીથી ઉના શહેરમાં ગેરકાયદેસર પ્રવૃત્તિઓને કોઈપણ સંજોગોમાં પ્રોત્સાહન નહીં મળે અને કાયદો હાથમાં લેનારાઓ સામે કાયદેસરની કાર્યવાહી કરવામાં આવશે તેવો સ્પષ્ટ સંદેશો પણ ગયો છે.
પોલીસની સંયુક્ત ટીમો મેદાનમાં
આ સમગ્ર કામગીરીમાં ઉના પોલીસ સ્ટેશનના પોલીસ ઇન્સ્પેક્ટર કે.આઇ. જાડેજા, ગીર સોમનાથ એલ. સી.બી.ના પોલીસ ઇન્સ્પેક્ટર એમ.કે. વણારકા, એલ.સી.બી.ના પો.સબ.ઇન્સ. એ.બી. ગોહિલ, ઉના પોલીસસ્ટેશનનાપો.સબ.ઇન્સ. કે.એન.મુછાળ, એચ.પી. સરવૈયા , એસ.બી. બોરીયા સહિત ઉના પોલીસ સ્ટાફ, એલ.સી.બી. પોલીસ સ્ટાફ અને એસ.ઓ.જી. પોલીસ સ્ટાફ જોડાયા હતા.
પોલીસનું મોટું ઓપરેશન
11 પ્રોહિબીશન ધારા ભંગના કેસ રૂ.45,041 કબ્જે કરાયેલ પ્રોહિબીશન મુદ્દામાલ10 હથિયાર ધારા જી.પી. એક્ટ કલમ-135 હેઠળ કેસ 06 એમ.વી. એક્ટ કલમ-207 હેઠળ ડિટેઇન વાહનો 25 એમ.વી. એક્ટ હેઠળ એન.સી. કેસ રૂ.10,100 સ્થળ પર વસૂલાયેલ દંડ 21 ઝડપાયેલા આરોપી ઉના પોલીસ દ્વારા હાથ ધરવામાં આવેલી આ મેગા કોમ્બિંગ કાર્યવાહીથી શહેરમાં ગેરકાયદેસર પ્રવૃત્તિઓ સામે પોલીસનું કડક વલણ સ્પષ્ટ થયું છે. પોલીસ તંત્ર દ્વારા આવી કામગીરી આગામી દિવસોમાં પણ ચાલુ રહે તેવી શક્યતા વચ્ચે ગુનાહિત પ્રવૃત્તિઓ સાથે સંકળાયેલા તત્વોમાં ચિંતા ફેલાઈ છે.
