મોમેન્ટમ અને વેલ્યુ ઇન્વેસ્ટિંગના અભિગમોને જોડતું નવું યુલિપ ફંડ, જે જીવન વીમા સુરક્ષા સાથે વૈવિધ્યસભર ઇક્વિટી રોકાણની તક પૂરી પાડશે
રોકાણકારોની બદલાતી જરૂરિયાતોને ધ્યાનમાં રાખીને ભારતની અગ્રણી ખાનગી જીવન વીમા કંપનીઓમાંની એક ટાટા એઆઈએ લાઇફ ઇન્શ્યોરન્સે આજે ટાટા એઆઈએ મોમેન્ટમ વેલ્યુ 50 ઇન્ડેક્સ ફંડ લોન્ચ કરવાની જાહેરાત કરી છે. આ એક યુનિટ-લિંક્ડ ઇન્વેસ્ટમેન્ટ વિકલ્પ છે, જે બે જાણીતા રોકાણ અભિગમો મોમેન્ટમ ઇન્વેસ્ટિંગ અને વેલ્યુ ઇન્વેસ્ટિંગનું મિશ્રણ કરીને ડાયવર્સિફાઇડ ઇક્વિટી એક્સપોઝરની તક પૂરી પાડવા માટે બનાવવામાં આવ્યો છે. આ ઉપરાંત, ગ્રાહકોને બજારમાં ઊભી થતી તકોમાં ભાગ લેવાની સાથે જીવન વીમા સુરક્ષાનો વધારાનો લાભ પણ મળશે.
આ ફંડના લોન્ચ અંગે ટિપ્પણી કરતાં ટાટા એઆઈએ લાઇફ ઇન્શ્યોરન્સના ચીફ ઇન્વેસ્ટમેન્ટ ઓફિસર હર્ષદ પાટીલે જણાવ્યું હતું કે, ઇક્વિટી બજારો સતત બદલાઈ રહ્યા છે અને બજારના વિવિધ તબક્કા દરમિયાન અલગ-અલગ ક્ષેત્રો અને રોકાણની પદ્ધતિઓનું મહત્વ વધતું-ઘટતું રહે છે. આવી સ્થિતિમાં મોમેન્ટમ અને વેલ્યુ બંનેને ધ્યાનમાં લેતો મલ્ટીફેક્ટર અભિગમ રોકાણકારોને ઇક્વિટી રોકાણની તકોનું મૂલ્યાંકન કરતી વખતે વધુ વ્યાપક દ્રષ્ટિકોણ આપી શકે છે.
બજારના વલણો અને કંપનીઓના મૂલ્યાંકનની તકોનું સંયોજન
રોકાણ બજારોમાં ઘણી વખત અલગ-અલગ તબક્કા જોવા મળે છે, જેમાં સમય જતાં વિવિધ ક્ષેત્રો અને કંપનીઓનું બજારમાં પ્રભુત્વ બદલાતું રહે છે. કેટલીક કંપનીઓ બજારમાં વધુ મજબૂત કામગીરી દર્શાવે છે, જ્યારે કેટલીક અન્ય કંપનીઓ તેમના મૂળભૂત નાણાંકીય પરિબળોની સરખામણીએ આકર્ષક મૂલ્યાંકનને કારણે રોકાણની તક પૂરી પાડી શકે છે.
