એપ્રિલ ૨૦૨૭થી લાગુ કરાઈ શકે છે
પ્રાઇવેટ સેક્ટરમાં કામ કરતા કર્મચારીઓ માટે મોટા રાહતના સમાચાર છે. નાણાં મંત્રાલયે અનિવાર્ય રિટાયરમેન્ટ ફંડ કવરેજ માટે પગાર મર્યાદૃા ૧૫,૦૦૦ પ્રતિ માસથી વધારીને ૨૫,૦૦૦ પ્રતિ માસ કરવાની મંજૂરી આપી દૃીધી છે.
આ મર્યાદૃા એક દૃાયકાથી વધુ સમયથી બદૃલાઈ ન હતી. નવી મર્યાદૃા લાગુ થવાથી, પગાર મેળવતા વધુ કર્મચારીઓ અનિવાર્ય પ્રોવિડન્ટ ફંડ અને પેન્શન કવરેજના વ્યાપમાં આવી જશે. નવી પગાર મર્યાદૃા ક્યારથી લાગુ થશે, તેનો નિર્ણય કેબિનેટની મંજૂરી પછી કરવામાં આવશે.
હજી સુધી માત્ર તે કર્મચારીઓ જેમનો બેઝિક પગાર ૧૫,૦૦૦ પ્રતિ માસ સુધીનો છે, તેમને જ અનિવાર્યપણે એમ્પ્લોઈ પ્રોવિડન્ટ ફંડ અને એમ્પ્લોઈ પેન્શન સ્કીમના વ્યાપમાં રાખવામાં આવે છે. તેનાથી વધુ કમાણી કરનારા કર્મચારીઓ બહાર રહી શકે છે અને એમ્પ્લોયર માટે તેમને તેમાં સામેલ કરવા કાનૂની રીતે જરૂરી નથી. જ્યારે આ મર્યાદૃા ૨૫,૦૦૦ થઈ જશે, ત્યારે ૧૫ હજારથી ૨૫ હજાર પ્રતિ માસ કમાનારા કર્મચારીઓ પણ તેના વ્યાપમાં આવી જશે. આ બદૃલાવથી પ્રાઇવેટ સેક્ટરના કર્મચારીઓ માટે સોશિયલ સિક્યોરિટી કવરેજ ઘણું વધવાની અપેક્ષા છે.
નાણાં મંત્રાલયે ઈપીએફની સેલેરી લિમિટ વધારવાના પ્રસ્તાવને મંજૂરી આપી દૃીધી છે. આ અંતર્ગત હાલની ૧૫,૦૦૦ની જગ્યાએ ૨૫,૦૦૦ પ્રતિ માસ સુધીના પગાર વાળા કર્મચારીઓને પીએફ અને પેન્શન યોજનાના વ્યાપમાં લાવવાની તૈયારીઓ તેજ થઈ ગઈ છે. રિપોર્ટ મુજબ, શરૂઆતમાં આ લિમિટને ૩૦,૦૦૦ સુધી વધારવા પર પણ વિચાર કરવામાં આવ્યો હતો. પરંતુ આખરે નાણાં મંત્રાલયે ૨૫,૦૦૦ની નવી મર્યાદૃાને મંજૂરી આપી છે. કેબિનેટની મંજૂરી મળ્યા પછી સરકાર તેના લાગુ થવાની તારીખની જાહેરાત કરશે.
કેબિનેટમાંથી મંજૂરી મળ્યા પછી પણ નવો નિયમ તરત લાગુ થવાની સંભાવના નથી. તેનું કારણ એ છે કે કંપનીઓ અને નિયોક્તાઓને તેમની પેરોલ સિસ્ટમ, કમ્પ્લાયન્સ પ્રોસેસ અને બીજા જરૂરી કામોમાં બદૃલાવ કરવા માટે સમય જોઈશે. તેથી સરકાર નવા નિયમ લાગુ કરતા પહેલા થોડા સમયનો ટ્રાન્ઝિશન પીરિયડ આપી શકે છે.
રિપોર્ટ મુજબ, નવી ઇપીએફ સેલેરી લિમિટ ૧ એપ્રિલ ૨૦૨૭થી લાગુ કરવામાં આવી શકે છે.
